Danyelo 2:5 - Baibo Busansulushi Bwa Libuku Ili

⁵ Mpomunyaawo mwaami wakabaambila ayi, “Miyeeyo yangu njakwaamba ayi mwebo mundwiite ciloto ico alimwi ambocaamba. Na mubule kucita boobo ntoomulengesha kutimbulwa tupanshapansha alimwi akulengesha maandaanu kuba matongo.

Danyelo 2:5 ပူးပေါင်းရင်းမြစ်များ

2 Baami 10:27

Mpomunyaawo bakanyonyoola libwe ilyo aŋanda yakwe Baali akulengesha ŋanda iyo kuba cimbushu, asunu mboibete.

Esila 6:11

Ono ndapa mulawo umwi wakwaamba ayi na muntu waalilwa kukonkela mulawo uyu, cisamu cilaakukushikwa kuŋanda yakwe akubeswa kunembo. Lyalo ulaakubwesekwa akutungwa kucisamu ico. Kuswawaawo ŋanda yakwe ilaakwaalulwa mwakusowela matombe.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 58:7

Abashiminganebo anga ngamaanshi ainda kaaya mumulonga. Abakalyatoolwe akunyoŋwaatika anga mbwiisu bwalyatoolwa.

Danyelo 2:12

Ici cintu cakakalasha mwaami abuumbi. Aboobo wakapa mulawo ayi basongo boonse ba mucishi ca Babiloni bacaikwe.

Danyelo 3:29

“Ono bulya ndabika mulawo wakwaamba ayi muntu wa mushobo uli woonse, cikanda ca mushobo uli woonse nabi wa mumulaka uli woonse weshi akanyanshe Lesa wakwe Shadileki, Mishaki alimwi awakwe Abedinego, ulaakucaikwa mukutimbulwa shipimpitapimpita. Ayalo ŋanda yakwe ilaakupwayoolwa cakubabo matongo. Ncakwiila taaku lesa nabi womwi weenga wafuna bobulya.”

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Dutolonomi 13:16

Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.

Joshuwa 6:26

Paciindi ico Joshuwa wakabakonkomesha akubacenjesha ayi, “Uyo woonse eshi akeeleshe kuyaka ndabala inene ya Jeliko alimwi, Mwaami Lesa ulaakumushingana. Uyo woonse eshi akakabe lwiimbi, ulaakufwitwa mwaana wakwiiya musankwa. Uyo woonse eshi akayake minjililo, ulaakufwitwa shikeela musankwa.”

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.