Danyelo 2:4 - Baibo Busansulushi Bwa Libuku Ili

⁴ Boonse bakakumbula mu mulaka wa ciAlamaiki ayi, “Kamweendela buumi lyoonse nobaami! Amutulwiite mbomwalota, lyalo ndyeshi tumusansulwite mbocaamba.”

Danyelo 2:4 ပူးပေါင်းရင်းမြစ်များ

Matalikilo 31:47

Labani wakautumba ayi Jega Saaduta, lakwe Jakobo wakautumba ayi Galidi.

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

1 Baami 1:25

Sunu bulya waya mukubenga bacende baanji, mbelele shiinji alimwi aboombe beenite. Watamba bana banu basankwa, Abiyata mupailishi alimwi aJoabu mutanjilili wa bashilumamba banu. Bulya batoosekelela akoolobesha ayi, ‘Eekale ciindi cilaamfu mwaami Adonija!’

1 Baami 1:31

Lyalo Batisheba wakafukama cakushisha ciwa panshi akwaamba ayi, “Nkambo nobaami bangu kamubukila buumi kwalyoonse alyoonse!”

2 Baami 18:26

Lyalo Eliyakimu mwanaakwe Ilikiya, Shebina alimwi aJowa bakalwiita mutanjilili uyo ayi, “Nkambo, kamutwaambila muciAlamaiki mukwiinga acalo tulacinyumfwa. Mutanootwaambila muciEbulu ceebo bantu boonse bali kulubumbu batoonyumfwa.”

Esila 4:7

Munshiku shakwe Atasakisesi mwaami wa kuPesha, Bishilamu, Mitiledati, Tabilu abamwi babyaabo bakalembela Atasakisesi nkalata. Nkalata iyo yakalembwa mumushobo wa ciAlamaiki, mpeeke yakasansululwa mumushobo unyumfwika pakwiibelenga.

Neyemiya 2:3

sombi ndakaambila mwaami ayi, “Kamweendela buumi lyoonse nobaami! Sa nsheelete kuboneka kutasangalala pameenso na ndabala inene umo mwakoona bamashali bangu bakulukulu ili mumatongo, aminjililo ya njiyo yakanyonyoolwa kumulilo?”

Isaya 36:11

Lyalo Eliyakimu mwanaakwe Ilikiya, Shebina alimwi aJowa bakalwiita mutanjilili uyo ayi, “Kamutwaambila muciAlamaiki mukwiinga acalo tulacinyumfwa. Mutanootwaambila muciEbulu ceebo bantu boonse bali kulubumbu batoonyumfwa.”

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Danyelo 1:4

Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

Danyelo 2:7

Mpomunyaawo boonse bakakumbula alimwi ayi, “Nobaami amutulwiitebo ciloto mbocalinga, lyalo tutoomulwiita mbocaamba.”

Danyelo 3:9

Bakaambila mwaami Nebukadinesa ayi, “Nobaami, kamweendela buumi!

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 4:7

Lyalo beshikusonda boonse, beshimampelampela, baloshi alimwi abasongo ba shintu shili mwiculu boonse ndibakaletwa, ndakabalwiita ciloto cangu, sombi bakaalilwa kunsansulwita ciloto ico.

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Danyelo 5:10

Muka mwaami ndyaakanyumfwa coongo cakacita mwaami Beloshasa abacinenenene bakwe wakenjila mucipinda cakusekelelaamo. Lyalo wakaamba ayi, “Nobaami kamweendela buumi kwalyoonse alyoonse! Ono ndaseenga kwaamba ayi mutaloondi bunene.

Danyelo 5:8

Lyalo beshikumupandaako maano boonse bakasena pafwaafwi, sombi taaku nabi womwi wakakonsha kubelenga malembo ayo nabi kulwiita mwaami mbwaakalinga kwaamba.

Danyelo 6:21

Mpomunyaawo Danyelo wakakumbula ayi, “Nobaami, kamweendela buumi!

Danyelo 6:6

Mpeeke boonse bakaya kuMwaami akwaamba ayi, “Nobaami baDalyasi, kamweendela buumi lyoonse!

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

1 Samwelo 10:24

Mpomunyaawo Samwelo wakaamba ayi, “Sa mwamubona musankwa uyo Mwaami Lesa ngwaasala? Taaku aumwi uli mbuli nguwe pakati kesu.” Lyalo bantu boonse bakoolobesha ayi, “Abekale ciindi cilaamfu baami!”