Danyelo 2:30 - Baibo Busansulushi Bwa Libuku Ili

³⁰ Ono cishisitwe ico cayubululwa kuli ndime kuteshi ayi nebo ndicite busongo kwiinda bantu bamwi boonse, sombi ayi mwebo, nobaami, mwishibe ciloto canu mbocaamba akunyumfwisha nshemwalinga kuyeeya.

Danyelo 2:30 ပူးပေါင်းရင်းမြစ်များ

Matalikilo 41:16

Josefu wakakumbula ayi, “Anebo nshikoonshi nobaami. Sombi Lesa utoopa bupandulushi buyandika.”

Kulumbaisha 139:2

Mulanshiba ndyeenkala nabi ndyeembuka, muleshiba miyeeyo yangu kamuli kooko kulaale.

Isaya 45:4

Ceebobo ca basebenshi bangu bamulunyungu lwakwe Jakobo, ee, bene Isilaeli bantu abo mbondakasala, ndakakwiita liina lyako akukupa cuuna ca bulemu nakubi kwaamba ayi toonshiiwo.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Danyelo 2:49

Lyalo kweelana akusenga kwakwe Danyelo, mwaami wakalengesha Shadileki, Mishaki aAbedinego kuba bacinenenene mucishi ca Babiloni. Sombi Danyelo lakwe wakacaala kaasebensela kuŋanda ya kubwalo.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Maako 13:20

Nikuteshi Mwaami Lesa kufwiimpyako nshiku isho sha mapensho, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, abo mbwaakasala mwiine, ncakwiila Lesa wakashifwiimpya nshiku.

Milimo ya Batumwi 3:12

Ono Pita ndyaakabona bantu abo, wakabaambila ayi, “Mwebo nobene Isilaelima, nceebonshi mwakankamana pacikani ici akutulangilisha bobulya? Sa mutooyeeya ayi ninkusu shesu nabi mbululami bwesu bwalengesha ayi musankwa uyu eende?

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.