Danyelo 2:2 - Baibo Busansulushi Bwa Libuku Ili

² Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 2:2 ပူးပေါင်းရင်းမြစ်များ

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

Esita 1:13

Mbuli mbwaakalinga kushibite pashikani shakalinga kukuma kumilawo akoombolosha kululeme, mwaami wakeeta beshikumupandako maano kwaamba ayi bamulwiite mbwaaelete kucita.

Kulonga 7:11

Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Isaya 19:3

Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Danyelo 1:20

Mumakani oonse a busongo amaano akunyumfwisha shintu ayo mwaami ngaakabeepusha, wakacana kwaamba ayi balo bakalinga kucite busongo ciine kwiinda beshimampelampela abeshikusonda bali mubwaami bwakwe boonse.

Danyelo 1:4

Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

Danyelo 2:10

Kuswawaawo basongo bakaamba ayi, “Taaku muntu pacishi ca panshi weenga wacita caamba mwaami! Taaku mwaami ucite nkusu abulemu buli buyani wakeepushaawo kale cintu ca mushobo uyu kubeshimampelampela, beshikusonda, alimwi abasongo ba shintu shili mwiculu bakwe.

Danyelo 2:27

Danyelo wakakumbula ayi, “Nobaami, taaku muntu musongo nabi musongo wa shintu shili mwiculu, shimampelampela nabi mukamwaami weenga wamupandulwita cishisitwe ico ncemweepusha.

Danyelo 3:8

Kuswawaawo bene Babiloni bamwi bakatalika kupa milandu baJuda.

Danyelo 4:3

Shitondesho sha nkusu sha kwiculu shakwe shilayoosha abuumbi. Shaankamiko isho nshaacita nshankusu shiindaawo. Bweene bwakwe, mbweene bwamuyayaya. Bulelo bwakwe bulaakunoolikobo kwalyoonse alyoonse.

Danyelo 4:6

Aboobo ndakeeta beshikumpandaako maano boonse muBabiloni kwaamba ayi bese bandwiite ciloto ncindakalota mbocakalinga kwaamba.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

1 Samwelo 6:2

bantu bakeeta bapailishi abamukamwaami akubeepusha ayi, “Ino tutoocita buyani aLibokoshi lya Cipangano ca Mwaami Lesa? Ino na twaamba ayi tulituumye nkolyakaswa, nciinshi nceenga twatumisha andilyo?”