Danyelo 12:7 - Baibo Busansulushi Bwa Libuku Ili

⁷ Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 12:7 ပူးပေါင်းရင်းမြစ်များ

Jobo 27:2

“Ono bweenka mbocibete lushinisho ayi Lesa ngumuumi, ee, Lesa uyo wakaka kuŋombolosha cabululami, Shinkusu shoonse uyo wampa mpensha bulasha,

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Esekelo 20:5

Ubaambile ayi nebo neMwaami Lesa Shinkusu shoonse ndaamba ayi, ‘Bushiku mbondakasala bene Isilaeli, ndakashomesha cakulumbila alyaansa litambikitwe mwiculu kubamulunyungu lwakwe Jakobo akuliyubulula kuli mbabo muIjipiti. Kaantambikite lyaansa mwiculu, ndakabaambila ayi, ndi Mwaami Lesa, Lesa wanu.

Danyelo 10:5

Ndakeenamuka akubona muntu wakalinga kufwete shakufwala sha nsalu iteshimite alimwi alamba wa golodi wiine wiine kaaimfwi kunembo lyangu.

Danyelo 11:13

“Mwaami wa bene Silya ulaakuboolela kumishaabo akubunganya likoto lya bashilumamba linene liinda litaanshi. Paakwiinda myaaka iinji, ulaakuya mukulwana alikoto linene lya bashilumamba licite shilwanisho shoonse sheelete.

Danyelo 12:6

Lyalo womwi pakati ka bantu abo wakeepusha wooyo wakalinga kufwete shakufwala sha nsalu iteshimite uyo wakalinga kwiimfwi peculu lya maanshi a mumulonga ayi, “Citooba ciindi cilaamfu buyani, shintu ishi shiloondesha kashitana kucitika cancinencine?”

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Danyelo 4:31

Kaacilyaamboosha, kwakanyumfwika liswi kalyaamba kuswa kwiculu ayi, “Omwaami Nebukadinesa, kutika nsheentooyanda kwaamba. Bulya wanyaikwa nkusu shako sha bwaami.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 7:21

“Kaanceebela kaliica ako kakalinga kulwana bantu basalalite bakwe Lesa alimwi kakalinga kukoma,

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 8:14

Lyalo ndakanyumfwa usalalite umwi wakakumbula ayi, “Cilaakutola macolesha amacuunsa ali 2,300, lyalo Ŋanda yakwe Lesa ilaakusalashikwa.”

Danyelo 8:24

Ulaakuba abulemu, sombi kuteshi kwiinda munkusu shakwe mwiine. Ulaakulengesha kunyonyooka kuyoosha akuswitilila mushintu shoonse nsheshi akacite. Ulaakunyonyoola beshinkusu alimwi abantu bakwe Lesa.

Luka 21:14

Ono mutakalisukami mumyoyo kuyeeya mbweshi mukaambe

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Dutolonomi 26:19

Ncakwiila washomesha ayi ulaakumusumpula kwiinda mishobo yoonse njaakalenga, amwebo mulaakunoomulumbaisha, akumulemeka. Anu mulaakuba bantu bakwe cancinencine kweelana ambwaakashomesha.”

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 32:40

Ndakonsha kutambika lyaansa kwiculu akushomesha cakulumbila ayi, mbocili lushinisho ayi nebo ndanooli muumi lyoonse,

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Ciyubululo 13:5

Munyama uyu wakasuminishikwa kwaamba maswi akulisumpula akucobola Lesa. Wakasuminishikwa akuba ankusu shakweendelesha kwamyeenshi ili makumi one alimwi ayobilo.

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:9

Ono na shilengwa shuumi ishi shone shapa bulemu, mucinshi alimwi akulumba kuli wooyo wakalinga kushiite pacuuna ca bwaami, muumi lyoonse alyoonse,