Danyelo 12:6 - Baibo Busansulushi Bwa Libuku Ili

⁶ Lyalo womwi pakati ka bantu abo wakeepusha wooyo wakalinga kufwete shakufwala sha nsalu iteshimite uyo wakalinga kwiimfwi peculu lya maanshi a mumulonga ayi, “Citooba ciindi cilaamfu buyani, shintu ishi shiloondesha kashitana kucitika cancinencine?”

Danyelo 12:6 ပူးပေါင်းရင်းမြစ်များ

Kulumbaisha 74:9

Shaankamiko shoonse shamana. Taaku balaluki bakacaalaawo. Taaku nabi womwi ushi nkweshi cikeele ici.

Esekelo 9:2

Mpomunyaawo ndakabona basankwa bosanwe awomwi kabaswita kulubasu lwa mwinjililo wa peculu ulangite kumatwa, womwi awomwi kaacite cilwanisho cicaya. Pabantu aba pakalinga amuntu wakalinga kufwete shakufwala sha nsalu iteshimite uyo wakalinga kucite shilembesho palubasu lwakwe. Bakenjila akwiimikanina kulubasu lwa cipaililo ca bulonse.

Danyelo 12:5

Mpeeke ndakalanga akubona bamwi bobilo kabeemfwi kunembo lyangu. Womwi wakalinga kwiimfwi kuloombe lumwi aumwi kaaimfwi kuloombe lumwi lwa mulonga uyo.

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Danyelo 8:16

Lyalo ndakanyumfwa liswi kuswa kwitala lya Mulonga wa Ulayi lyakoolobesha ayi, “Gabuliyelo, mulwiite ncecaamba cili anga nciloto ncaabona.”

Mateyo 24:3

Jesu ndyaakalinga kushiite paKalundu ka Olifi, bashikwiiya bakwe bakaya kuli nguwe beenka akumwiipusha ayi, “Amutulwiite, ino shintu ishi shilaakucitika lili? Tulaakwishibila kunshi ayi ciindi cakwisa kwanu alimwi amamanino a cishi shashikila?”

Maako 13:4

“Amutulwiite, ino shintu ishi shilaakucitika lili? Tulaakwishibila kunshi ayi shintu ishi shoonse shitooyanda kucitika?”

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Ciyubululo 15:6

Baanjelo abo bosanwe abobilo bakalinga kucite myaalu ili yosanwe ayobilo, bakaswa muŊanda yakwe Lesa, kabafwete shisani shibekabeka shituba. Pashaamba shabo bakalyaanga tweela twa golodi.

Ciyubululo 19:14

Bashilumamba boonse ba kwiculu bakamukonkela kabatantite pamaaki atuba, kabafwete shakufwala shiteshimite shituba tuu.

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”