Danyelo 12:3 - Baibo Busansulushi Bwa Libuku Ili

³ Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Danyelo 12:3 ပူးပေါင်းရင်းမြစ်များ

Kulonga 34:35

Abalo bantu ndibakalinga kubona ayi ciwa cakwe citoobala, wakalinga kucibooshaawo cisani kushikila ciindi ico ncaakalinga kuya mukwaamba aMwaami Lesa.

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

Tushimpi 3:35

Basongo balaakulemekwa, sombi baluya balo ulaakubalensha nsoni.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Shikushimikila 12:9

Shikushimikila uyu wakalinga musongo, wakeeisha bantu shintu shiinji. Wakayeeya akuyandoola alimwi akulemba tushimpi tuunji.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Danyelo 11:33

“Bamatanjilili basongo balaakulwiitako baanji pakati ka bantu abo. Sombi kwaciindi ciniini bamatanjilili abo bamwi balaakucaikwa munkondo, bamwi kutentwa, bamwi kupambwa buboni akuwaalwa muntolongo.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Mateyo 13:43

Lyalo baluleme balaakubala mbuli lisuba muBweene bwakwe Ishiwabo. Uyo ucite matwi anyumfwe!”

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Joni 4:36

Shikutebula utoofola alimwi utooshiyobolweta kubuumi butamaani. Aboobo shikushanga ashikutebula balaakusangalalila pantu pomwi.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

Bene Ebulu 5:12

Nakubi kwaamba ayi bulya mwalinga kweelete kunooli kale bafundishi, muciyandika umwi shikumwiisha shiiyo shitaanshi sha makani akwe Lesa. Ciindi cakwaamba ayi munoolya shakulya shiyumuyumu, muceeletebo kunwa mukupa.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

Ciyubululo 1:20

Anu nyenyeenshi shosanwe ashobilo shili mulyaansa lyangu lyalulyo alimwi ashakubikaawo malampi sha golodi shili shosanwe ashobilo shileemikanina makani abushishi aya. Nyenyeenshi shosanwe ashobilo mbamatanjilili ba shoonde shili shosanwe ashobilo. Ashalo shakubikawo malampi shosanwe ashobilo nshoonde shili shosanwe ashobilo.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.