Danyelo 11:6 - Baibo Busansulushi Bwa Libuku Ili

⁶ Paakwiinda myaaka iinji, mwaami wa bene Ijipiti ulaakusuminishanya amwaami wa bene Silya ayi banoomucafwa munkondo. Mwaami wa bene Ijipiti ulaakweebesha mwanaakwe kumwaami wa bene Silya. Sombi kusuminishanya uko teshi kukayewo kulaale. Lyalo mwanakashi uyo, ibaye, mwanaakwe alimwi abasebenshi abo bakayaakwe, boonse balaakumana kucaikwa.

Danyelo 11:6 ပူးပေါင်းရင်းမြစ်များ

Jobo 38:15

Mumuni wa kumuyamaca ulakasha bamucita shibi kusebensa milimo yabo. Ncakwiila ulabashinkila kunyamuna maansaabo a bucayi.

Kulumbaisha 10:5

Sombi balo balaswitilila mushintu shoonse. Aboobo milawo yakwe Lesa ili kulaale ambabo. Paceebo ceeco balwani babo boonse balababonabo anga ngukabwa wamucila.

Esekelo 30:21

“Webo omuntu, ndatyola lyaansa lyakwe Falawo mwaami wa bene Ijipiti. Talyaangitwe ayi lyooshe nabi kulikobeka mumukopo kwaamba ayi inga lyayuma cakupakata mupeeni alimwi.

Danyelo 11:13

“Mwaami wa bene Silya ulaakuboolela kumishaabo akubunganya likoto lya bashilumamba linene liinda litaanshi. Paakwiinda myaaka iinji, ulaakuya mukulwana alikoto linene lya bashilumamba licite shilwanisho shoonse sheelete.

Danyelo 11:15

Lyalo mwaami wa bene Silya ulaakuyaka citunta cakutantaawo pakulwana kushinguluka ndabala icite lilinga akwiikoma. Bashilumamba bene Ijipiti teshi bakatolelele kulwana. Bashilumamba beendaawo kucishiba kulwana pakati kabo balaakubula nkusu shakwiimikana.

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Danyelo 11:7

Ono shikamukowa womwi wa mwanakashi uyo ulaakuba mwaami. Mwaami uyo ulaakulwana likoto lya bashilumamba lya mwaami wa bene Silya. Ulaakwinjila muciyubilo cabo akubakoma.

Sekaliya 11:16

Ceebo ndisuni kuleta mweembeshi mucishi uyo weshi akanoobula kubikila maano kuli sheesho shisowekete, kuyandoola twaana, kushilika shalicisa nabi kusanina shili kabotu. Sombi lakwe ulaakunoolya nyama sha mbelele shiinite abuumbi akupwaya shoondo sha nshisho.