Danyelo 11:2 - Baibo Busansulushi Bwa Libuku Ili

² Mpeeke munjelo uyo wakaamba ayi, “Ono ntookulwiita lushinisho. Bamaami bamwi botatwe balaakuboneka mucishi ca Pesha. Pesule mwaami wane ulaakubakonkela. Lakwe ulaakuba mubile kwiinda mbabo boonse. Aakuba abulemu kwiinda mububoni bwakwe, ulaakuyungoola bantu boonse ayi balwane bulelo bwa bene Gilisi.

Danyelo 11:2 ပူးပေါင်းရင်းမြစ်များ

Esila 4:24

Aboobo mulimo wa kuyaka Ŋanda yakwe Lesa alimwi muJelusalemu wakeemikana kushikila mumwaaka wabili mubulelo bwakwe Dalyasi mwaami wa kuPesha.

Esila 4:7

Munshiku shakwe Atasakisesi mwaami wa kuPesha, Bishilamu, Mitiledati, Tabilu abamwi babyaabo bakalembela Atasakisesi nkalata. Nkalata iyo yakalembwa mumushobo wa ciAlamaiki, mpeeke yakasansululwa mumushobo unyumfwika pakwiibelenga.

Esita 1:1

Ono nceeci cakacitika munshiku shakwe Sakisesi uyo wakalela shishi shili 127 kuswa kuIndiya kushika kuKushi.

Tushimpi 22:21

Twalo tulaakukwiisha maswi alushinisho alimwi ashomeka kwaamba ayi ukonshe kukumbula kabotu wooyo wakakutuma.

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 11:25

“Pesule ulaakubunganya likoto linene lya bashilumamba ayi alwane mwaami wa bene Ijipiti. Alakwe mwaami wa bene Ijipiti ulaakulibambila kumulwana alikoto lya bashilumamba baanji, sombi ulaakumwaalilwa ceebo ulaakwiindwa kumaano.

Danyelo 7:5

“Munyama wabili wakalinga kuboneka anga ngubeya kaaimfwi amyeendo yakwisule. Munyama uyo wakalinga kucatite mapinga otatwe mumeeno akwe. Ono liswi lyakamwaambila ayi, ‘Tolelela kulya nyama iinji tibili ukute.’

Danyelo 8:21

Mpongo ileemikanina bulelo bwa bene Gilisi. Liica linene pakati ka meenso a njiyo lileemikanina mwaami wakutaanguna wa bulelo ubo.

Danyelo 8:26

Cili anga nciloto ici ca milambu yamacolesha amacuunsa ncewapekwa cilaakucitika cancinencine. Nakubi boobo bulya cibebo cabushishi mukwiinga cilaakucitika kalekale.”

Danyelo 8:4

Ndakeebela mbelele isankwa iyo keetatukila banyama bamwi kumbo, kumatwa alimwi akumalenge. Taaku munyama wakalinga kukonsha kuyiimika nabi kufuna umwi kuswa munkusu sha njiyo. Yakalinga kucitabo kulilabo nceensuni akuba abulemu.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Joni 10:35

Lesa wakabanda bantu abo bakapekwa maswi akwe ayi mbalesa. Tulishi ayi Malembo akwe Lesa ngalushinisho lyoonse.

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”