Danyelo 10:8 - Baibo Busansulushi Bwa Libuku Ili

⁸ Aboobo ndakacaala neenka kaanjebela cili anga nciloto ico cikankamika. Nkusu shangu shoonse shakamana alimwi ciwa cangu cakasanduka abuumbi kuboowa cakwaamba ayi taaku muntu weenga wakonsha kwinshiba.

Danyelo 10:8 ပူးပေါင်းရင်းမြစ်များ

Matalikilo 32:31

Lisuba lyakalinga kuya buswa Jakobo ndyaakalinga kuswa paPenyelo, sombi wakalinga kuya cisunkuta ceebo ca kasolo.

Kulonga 3:3

Mose wakayeeya ayi, “Ici tacina kubonekaawo! Ino cikupu tacitoopitanshi? Ntoosena pafwaafwi mboneshe.”

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 10:17

Nebo ndibo anga ngumusha wiimfwi kunembo lya mwaami wakwe. Ono nkambo, inga ndakonsha buyani kwaambaanu? Nshicite nkusu alimwi akuyoya citooyuma.”

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 8:7

Ndakeebela mpongo iyo ndiyakalwana mbelele isankwa iyo. Mpongo iyo yakalinga kukalalite abuumbi cakwaamba ayi yakapunka mbelele iyo akutyoloola meeca a njiyo obilo. Kuswawaawo mbelele yakabula nkusu shakwiilwana. Mpongo iyo yakashindikila mbelele iyo panshi akwiilyatoola. Taaku wakalinga kukonsha kwiifuna kunkusu sha mpongo.

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Mateyo 17:6

Ono bashikwiiya ndibakanyumfwa boobo, bakaloonda abuumbi cakwaamba ayi bakawa bufubeme.

Maako 9:6

Mukwiinga bashikwiiya aba bakaloonda abuumbi, Pita taakalinga kwishi ancaakalinga kwaamba.

Joni 16:32

Ciindi cilaakushikila, ncakwiila cashikila kale cakupalanganishikwa kuya mwanu mwanu. Lyalo mulaakunshiyabo neenka. Sombi nshibete neenka mukwiinga baTa bali anebo lyoonse.

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.