Danyelo 10:1 - Baibo Busansulushi Bwa Libuku Ili

¹ Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 10:1 ပူးပေါင်းရင်းမြစ်များ

Matalikilo 41:32

Ciloto ncecaboolelaawo nkwaamba ayi Lesa wabamba kale cikani ici alimwi ulaakulengesha ayi cicitike coonoonobo.

2 Makani 36:22

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Esila 3:7

Bantu bakapa maali akufolesha beshikubesa mabwe abeshikubesa mapulanga. Bakapa ashakulya, shakunwa alimwi amafuta a Olifi kubantu ba kuSidoni alimwi aTaya kwaamba ayi balete shisamu sha Sida kucishi ca Lebanoni kwiinda mulweenge kuya kuJopa, ici cakasuminishikwa aSailasi mwaami wa bene Pesha.

Esila 4:3

Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”

Esila 4:5

Bakalipila maali bacinenenene ba kuPesha ayi bakashe mulimo kuya panembo. Bakacita boobo mubwaami bwakwe Sailasi wa kuPesha boonse kushikila amubwaami bwakwe Dalyasi wa kucishi ncemunya ico.

Esila 6:14

Bamaloba ba baJuda bakatolelela kuyaka Ŋanda yakwe Lesa cakuswitilila. Agayi alimwi aSekaliya mwanaakwe Ido abo bakalinga balaluki mbobakabatanjilila. Bakamanisha kuyaka kweelana ambobakaambilwa kuli Lesa wa bene Isilaeli alimwi aSailasi, Dalyasi aAtasakisesi bamaami ba kuPesha.

Esila 6:3

“Mumwaaka wakutaanguna mubweendeleshi bwa mwaami Sailasi, mwaami wakapa mulawo paŊanda yakwe Lesa muJelusalemu ayi ayiyakwe umo mweelete kubengelwa milambu. Ŋanda iyo ilyeelete kuba amamita ali 27 kuya mwiculu alimwi mamita ali 27 mubufwaafwi.

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 1:21

Lyalo Danyelo wakasebensa muŋanda ya mwaami kushikila Sailasi mwaami wa bene Pesha wakakoma cishi ca Babiloni.

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Danyelo 11:2

Mpeeke munjelo uyo wakaamba ayi, “Ono ntookulwiita lushinisho. Bamaami bamwi botatwe balaakuboneka mucishi ca Pesha. Pesule mwaami wane ulaakubakonkela. Lakwe ulaakuba mubile kwiinda mbabo boonse. Aakuba abulemu kwiinda mububoni bwakwe, ulaakuyungoola bantu boonse ayi balwane bulelo bwa bene Gilisi.

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 4:8

Kuswawaawo Danyelo uyo wiitwa ayi Beloteshasa, liina lya lesa wangu wakesa. Mushimu wa balesa basalalite uli muli nguwe. Lyalo ndakamulwiita ico ncendakalota. Ndakamwaambila ayi,

Danyelo 5:12

Liina lyakwe musankwa uyo nguDanyelo, sombi mwaami Nebukadinesa wakamutumba lya Beloteshasa. Musankwa uyo wakacanika ayi ulicite maano akankamika, lushibo alimwi amaano akunyumfwishisha shintu. Ulakonsha kusansulula shiloto, kulabulula tushimpi alimwi ulakonsha kusansulula shishisitwe. Amwiitebo Danyelo, utoomulwiita malembo aya ncaamba.”

Danyelo 5:17

Lyalo Danyelo wakakumbula ayi, “Sobwe nkambo, shipo shanu amushisungebo nobeene nabi kushipa umwi muntu. Nakubi boobo nobaami, ntoomubelengela malembo aya akumulwiita ncaamba.

Danyelo 6:28

Kuswawaawo Danyelo wakaswitilila abuumbi mubwaami bwakwe Dalyasi abwakwe Sailasi mwine Pesha.

Danyelo 8:16

Lyalo ndakanyumfwa liswi kuswa kwitala lya Mulonga wa Ulayi lyakoolobesha ayi, “Gabuliyelo, mulwiite ncecaamba cili anga nciloto ncaabona.”

Danyelo 8:26

Cili anga nciloto ici ca milambu yamacolesha amacuunsa ncewapekwa cilaakucitika cancinencine. Nakubi boobo bulya cibebo cabushishi mukwiinga cilaakucitika kalekale.”

Luka 1:20

Sombi tookwe kushoma makani aya eshi akacitike ciindi caakushika. Paceebo ceeco utooba cibuulu kushikila bushiku ubo shaakucitika shoonse nshindakwaambila.”

Ciyubululo 19:9

Mpomunyaawo munjelo wakandwiita ayi, “Ulembe ayi balicite coolwe abo bakatambwa kubwiinga bwa Mwanaambelele.” Alakwe munjelo wakanungaawo ayi, “Aya ngamaswi alushinisho akwe Lesa.”