Danyelo 1:8 - Baibo Busansulushi Bwa Libuku Ili

⁸ Sombi Danyelo wakayeeya ayi taakoonshi kulilengesha kutasala kweelana aMilawo mukulya shakulya shakubwalo akunwa waini wa mwaami. Aboobo wakasenga Ashipenasi ayi na inga wamusuminisha kutanoolyako shakulya isho.

Danyelo 1:8 ပူးပေါင်းရင်းမြစ်များ

1 Baami 5:5

Mwaami Lesa wakashomesha bata baDefedi ayi, ‘Mwanaako ngweshi akapyane bwaami bwako, ulaakunjakila ŋanda.’ Ono bulya ndayeeya kwiiyaka kwaamba ayi anoolambililwaamo Mwaami Lesa, Lesa wangu.

Kulumbaisha 106:28

Lyalo bantu abo bakalambila Baala, lesa wa kuPeyoli, akulya milambu yakabengwa kubalesa batayooyi.

Kulumbaisha 119:106

Ndakashomesha cakulumbila akushinisha ayi ndanookonkela milawo yanu iluleme.

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Tushimpi 23:3

Utakumbwi shakulya shakwe ceebo nshakulya shakukweena.

Danyelo 1:5

Mwaami wakapa mulawo ayi bushiku abushiku balyeelete kupekwa shakulya sheelene asheesho shipekwa kuli nguwe alimwi awaini bweenka mbuli wakubwalo. Baakumana kwiiya myaaka yotatwe, balyeelete kutalika kusebensa muŋanda ya mwaami.

Danyelo 5:4

Ndibakalinga kunwa waini bakalinga kulumbaisha balesa ba golodi, ba silifa, ba bulonse, ba nshimbi, ba shisamu alimwi aba mabwe.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

1 Bene Kolinto 7:37

Sombi inga caba ayi mukuyanda kwa moyo wakwe mwiine, wayeeya kutamweebesha. Na mwiine wayeeya boobo cakutakakatishikwa alimwi wasuna kwaamba ayi cibe boobo, muntu uyo inga wacita kabotu na wamukasha kweebwa.

2 Bene Kolinto 9:7

Womwi awomwi ulyeelete kupa kweelana amoyo mbowayanda, kuteshi myoyo yobilo nabi kukakatishikwa ceebo Lesa ulisuni bantu bapa cakusangalala.

Dutolonomi 32:38

Mwakabatebeta mafuta a milambu yanu akubapa cipo ca waini ayi banwe. Abese bamucaafwe bulya! Abacice kwaamba ayi bamufuneeko!