Danyelo 1:4 - Baibo Busansulushi Bwa Libuku Ili

⁴ Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

Danyelo 1:4 ပူးပေါင်းရင်းမြစ်များ

Matalikilo 41:46

Josefu wakalinga kucite myaaka ili 30 ndyaakatalika kusebensela Falawo mwaami wa Ijipiti. Mpeeke Josefu wakaswa mulubansa lwakwe Falawo akweenda mucishi coonse ca Ijipiti.

2 Samwelo 14:25

Ono mucishi ca Isilaeli coonse temwakalinga musankwa wakalinga kulumbaishikwa pakuboneka kabotu mbuli Abusalomu. Taakalinga kucitewo kampenda kuswabo kumutwi kushika akumyeendo.

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Shikushimikila 7:19

Busongo bulapa muntu womwi nkusu kwiinda baleli bali likumi mundabala.

Isaya 36:11

Lyalo Eliyakimu mwanaakwe Ilikiya, Shebina alimwi aJowa bakalwiita mutanjilili uyo ayi, “Kamutwaambila muciAlamaiki mukwiinga acalo tulacinyumfwa. Mutanootwaambila muciEbulu ceebo bantu boonse bali kulubumbu batoonyumfwa.”

Jelemiya 5:15

Mwebo nobene Isilaeli, ntooleta mushobo kuswa kushishi shakulaale kwisa mukumulwana. Ee, ntooleta mushobo ukulukulu ucite nkusu. Ngumushobo wa bantu baamba mulaka ngomuteshi alimwi bacite myaambo njemutanyumfwi.

Danyelo 2:10

Kuswawaawo basongo bakaamba ayi, “Taaku muntu pacishi ca panshi weenga wacita caamba mwaami! Taaku mwaami ucite nkusu abulemu buli buyani wakeepushaawo kale cintu ca mushobo uyu kubeshimampelampela, beshikusonda, alimwi abasongo ba shintu shili mwiculu bakwe.

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 3:8

Kuswawaawo bene Babiloni bamwi bakatalika kupa milandu baJuda.

Danyelo 4:7

Lyalo beshikusonda boonse, beshimampelampela, baloshi alimwi abasongo ba shintu shili mwiculu boonse ndibakaletwa, ndakabalwiita ciloto cangu, sombi bakaalilwa kunsansulwita ciloto ico.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Danyelo 9:1

Ono Dalyasi mwine Mediya, uyo wakalinga mwanaakwe Sakisesi wakapekwa bwaami pabene Babiloni.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Milimo ya Batumwi 7:20

Ico nceciindi Mose ncaakashalilwaamo. Wakalinga mwaana mubotu abuumbi, mpeeke banyina bakamulela myeenshi yotatwe.

Milimo ya Batumwi 7:22

Aboobo Mose wakeeya busongo bwa bene Ijipiti, lyalo wakaba muntu munene, ulemekwa mumyaambo amicito.

Bene Efeso 5:27

Wakasuna ayi coonde cibe caakwe mwiine abulemu bwa ncico, cibe anga ngumuntu utacite kampenda nabi bubi buli boonse, utacite cintu nabi comwi cakumubisha, sombi kacisalalite alimwi kaciluleme.

Boomboloshi 8:18

Mpeeke wakeepusha Seba aSalimuna ayi, “Ino bantu mbomwakacaya kuTabo bakalinga kuboneka buyani?” Abalo bakakumbula ayi, “Bakoshenye amwebo, nkokwaamba ayi bakalinga kuboneka anga mbanaabaami mbuli mbomuboneka mwebo.”