Danyelo 1:2 - Baibo Busansulushi Bwa Libuku Ili

² Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 1:2 ပူးပေါင်းရင်းမြစ်များ

Matalikilo 10:10

Pakutaanguna buleelo bwakwe bwakalinga kusenkanya Babiloni, Eleki, alimwi aAkadi, shoonse shotatwe kashili muBabiloniya.

Matalikilo 11:2

Ono mukweendaanaendaana kwicwe bakashika kucinyika ca Babiloniya akwikala kweenka uko.

2 Baami 24:1

Mubwaami bwakwe Jeoiyakimu, Nebukadinesa mwaami wa bene Babiloni wakaya mukulwana cishi ca bene Juda. Mpeeke Jeoiyakimu wakaba musebenshi wakwe Nebukadinesa kwamyaaka yotatwe, lyalo wakamubukila.

2 Makani 36:5

Jeoiyakimu wakaba mwaami wa bene Juda kaacite myaaka makumi obilo amyaaka yosanwe. Wakalela muJelusalemu kwamyaaka likumi awomwi. Lyalo wakabishisha Mwaami Lesa, Lesa wakwe.

2 Makani 36:7

Lyalo Nebukadinesa wakayumuna shintu shimwi shamakwebo sha muŊanda yakwe Lesa akuya mukushibika muŋanda yakwe ya bwaami mucishi ca Babiloni.

Esila 1:7

Mpeeke mwaami Sailasi wakababoshesha mbale ankomeshi isho mwaami Nebukadinesa nshaakakusha muŊanda ya Mwaami Lesa muJelusalemu akushibika muŋanda ya balesa bakwe.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 42:24

Anu ngani wakaaba bamulunyungu lwakwe Jakobo ayi babe shintu shakubwesabo? Ngani wakaaba bene Isilaeli kwaamba ayi babe shintu shakusaalabo? Sa te nguMwaami Lesa uyo ngotwakabishila? Tatukwe kwikala buumi ubo mbwaasuni nabi kukonkela milawo yakwe.

Jelemiya 25:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, nkokwaamba ayi mumwaaka wakutaanguna wa bwaami bwakwe Nebukadinesa mucishi ca Babiloni, nebo neJelemiya ndakatambula maswi akumite pabene Juda boonse.

Jelemiya 27:16

Mpomunyaawo ndakaambila bapailishi abantu boonse ayi Mwaami Lesa waamba ayi, “Mutakutiki balaluki abo baamba ayi, ‘Onoonobo shisebensesho sha muŊanda ya Mwaami Lesa shilaakuletwa kuswa kuBabiloni.’ Aba bantu batoomulalukilabo shabubeshi.

Jelemiya 28:3

Myaaka yobilo keetana kumana, ndaakuboosha shisebensesho shoonse sha muŊanda ya Mwaami Lesa isho Nebukadinesa mwaami wa bene Babiloni nshaakabwesa akutola kuBabiloni.

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Danyelo 5:13

Aboobo Danyelo wakaletwa kunembo lya mwaami. Alakwe mwaami wakamwiipusha ayi, “Sa ndiwe Danyelo womwi wa basha abo bata baNebukadinesa mbobakaleta kuswa kuJuda?

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Abakuku 1:16

Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.

Sekaliya 5:11

Alakwe wakankumbula ayi, “Batooutola kuBabiloni uko nkweshi bakooyakile ŋanda. Ŋanda iyi yaakumana kuyakwa, mutaanga ulaakubikwa mumo ayi kabaya mukuulambila.”

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Boomboloshi 2:14

Aboobo Mwaami Lesa wakabaaba mumaansa a beshikusaala, abo bakasaala shintu shabo, akubalwani babo abo bakalinga kubashingulukite cakwaamba ayi bakaalilwa kulifuna.

Boomboloshi 3:8

Aboobo Mwaami Lesa wakakalalila bene Isilaeli akubaaba mumaansa a mwaami Kushani Lishataimu wa kuMesopotamya, uyo bene Isilaeli ngobakasebensela myaaka yosanwe ayotatwe.

Boomboloshi 4:2

Aboobo Mwaami Lesa wakabaaba mumaansa akwe Jabini mwaami wa bene Kenani wakalinga kulela muAsoli. Mutanjilili wa bashilumamba bakwe wakalinga kwiitwa ayi Sisela. Sisela wakalinga kwikala mundabala ya Alosheti Agoyimu.

1 Samwelo 5:2

Bakalibika muŋanda ya lesa wabo Dagoni pafwaafwi acibumbwabumbwa ca lesa uyo.