Danyelo 1:19 - Baibo Busansulushi Bwa Libuku Ili

¹⁹ Lyalo mwaami wakabandikaabo boonse akucana ayi taaku wakeelana aDanyelo, Ananiya, Mishaelo alimwi aAsaliya. Aboobo bakatalika kusebensela mwaami.

Danyelo 1:19 ပူးပေါင်းရင်းမြစ်များ

Matalikilo 41:46

Josefu wakalinga kucite myaaka ili 30 ndyaakatalika kusebensela Falawo mwaami wa Ijipiti. Mpeeke Josefu wakaswa mulubansa lwakwe Falawo akweenda mucishi coonse ca Ijipiti.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Danyelo 1:18

Myaaka yotatwe iyo yakaamba mwaami ndiyakakwana, Ashipenasi wakatola bacikula bwangu basankwa abo boonse kuli Nebukadinesa.

Danyelo 1:4

Bacikula bwangu abo balyeelete kuba bantu batacite kampenda nabi komwi mumibili yabo, baboneka kabotu, bacenjete, bacite lushibo, beeite alimwi bacite nkusu shakusebensa muŋanda ya mwaami. Ashipenasi wakapekwa mulimo wakubeeisha kulemba akubelenga mulaka wine Babiloni.

Danyelo 1:5

Mwaami wakapa mulawo ayi bushiku abushiku balyeelete kupekwa shakulya sheelene asheesho shipekwa kuli nguwe alimwi awaini bweenka mbuli wakubwalo. Baakumana kwiiya myaaka yotatwe, balyeelete kutalika kusebensa muŋanda ya mwaami.

Danyelo 1:6

Pakati ka babo bakasalwa pakalinga basankwa bene Juda, nkokwaamba ayi Danyelo, Ananiya, Mishaelo alimwi aAsaliya.

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 2:13

Ncakwiila wakapa mulawo ayi boonse abo bacaikwe kubikaawo Danyelo ababye.

Danyelo 3:29

“Ono bulya ndabika mulawo wakwaamba ayi muntu wa mushobo uli woonse, cikanda ca mushobo uli woonse nabi wa mumulaka uli woonse weshi akanyanshe Lesa wakwe Shadileki, Mishaki alimwi awakwe Abedinego, ulaakucaikwa mukutimbulwa shipimpitapimpita. Ayalo ŋanda yakwe ilaakupwayoolwa cakubabo matongo. Ncakwiila taaku lesa nabi womwi weenga wafuna bobulya.”