Ciyubululo 9:8 - Baibo Busansulushi Bwa Libuku Ili

⁸ Misusu ya nshisho yakalinga ilaamfu anga nja banakashi, aalo meeno akalinga anga nga nkalamu.

Ciyubululo 9:8 ပူးပေါင်းရင်းမြစ်များ

Jowelo 1:6

Cisoshi calwana cishi cesu anga ndikoto lya bashilumamba. Ncakwiila anga mbashilumamba bacite nkusu alimwi baanji cakutabelengeka. Meeno a ncico alikoletebo anga nga nkalamu.

1 Pita 3:3

Kulibotesha kwanu kutabibo kwapansengwe, mbuli koosa misusu, kufwala makosa agolodi alimwi ashakufwala shuulwa maali aanji.

1 Timoti 2:9

Ndisuni akwaamba ayi abalo banakashi kabafwala kabotu cabulemu akulibombya. Kuteshi cakusandoola bubaambo bwa misusu, kufwala shibekabeka sha golodi, bulungu munshingo, nabi shakufwala shamakwebo.

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

2 Baami 9:30

Jewu wakashika kuJesiliilu. Jesebelo ndyaakanyumfwa shakacitika, wakalibamba kumeenso akusakula kabotu misusu yakwe. Lyalo wakaya weemikana pambwelyo kaasondela.

Bene Loma 9:29

Ici cilibo bweenka bwakaamba Isaya kale kale ayi, “Mwaami Lesa shinkusu shoonse naatakwe kutushiila bantu bamwi bamumushobo wesu, naakwiinga twakaloba anga nindabala ya Sodoma alimwi aGomola.”