Ciyubululo 9:2 - Baibo Busansulushi Bwa Libuku Ili

² Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.

Ciyubululo 9:2 ပူးပေါင်းရင်းမြစ်များ

Matalikilo 15:17

Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.

Matalikilo 19:28

Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Danyelo 3:6

Muntu uli woonse uyo weshi akabule kucita boobo, ciindi ceenka ico ulaakuwaalwa mumunyumbi mutoonyaka mulilo uyoosha.”

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Jowelo 2:30

Ndaakucita shaankamiko kwiculu apacishi ca panshi. Kulaakuba bulowa, mulilo alimwi ashikunku wa bwiishi.

Milimo ya Batumwi 2:19

Ndaakucita shaankamiko kwiculu alimwi ashitondesho sha nkusu sha kwiculu pacishi ca panshi. Kulaakuba bulowa, mulilo alimwi ashikunku wa bwiishi.

Ciyubululo 14:11

Mulilo ngweshi bakanoopenshelwaamo ngwamuyayaya. Abo balambila munyama alimwi acibumbwabumbwa cakwe alimwi awooyo woonse ucite keshibilo ka liina lyakwe, teshi bakacilekeewo kupenshekwa, malumwi nabi mashiku.”

Ciyubululo 16:10

Munjelo wasanu alakwe wakapukwita shakalinga mumbale yakwe ifongomene pacuuna ca bwaami ca munyama uyo. Lyalo cishi cakwe coonse cakaba mumunshinshe alimwi bantu bakatalika kuluma milaka yabo ceebo cakucisa.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Ciyubululo 9:1

Mpeeke munjelo wasanu wakalisha lupeenga lwakwe. Lyalo ndakabona nyenyeenshi yakalokela pacishi ca panshi, yakapekwa cakucalwisha mucilindi citeeli.

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).

Ciyubululo 9:17

Anga muciloto, ndakabona maaki alimwi abaabo bakalinga kutantiteewo. Bakalinga kufwete shakutabilisha pacaamba shisalala anga ngumulilo alimwi anga ndibwe liboneka mbuli liculu alimwi anga ngusalufa. Mitwi ya maaki aya, yakalinga kuboneka anga nja nkalamu alimwi mumilomo ya ngawo mwakalinga kuswa mulilo, bwiishi alimwi asalufa.