Ciyubululo 9:1 - Baibo Busansulushi Bwa Libuku Ili

¹ Mpeeke munjelo wasanu wakalisha lupeenga lwakwe. Lyalo ndakabona nyenyeenshi yakalokela pacishi ca panshi, yakapekwa cakucalwisha mucilindi citeeli.

Ciyubululo 9:1 ပူးပေါင်းရင်းမြစ်များ

Isaya 14:12

“Anu wawa buyani kuswa kwiculu webo Ontanda, onyenyeenshi yakumuyamaca? Waloshelwa pacishi ca panshi webo nowakalinga kukoma shishi shoonse.

Luka 10:18

Jesu wakabakumbula ayi, “Ndakamubona Satana kaaloka kuswa kwiculu mbuli kubeka kwa mfula.

Luka 8:31

Kuswawaawo bashikaswa abo bakakombelela Jesu ayi atabatandili mucilindi citeeli.

Bene Loma 10:7

“Utaliipushi nabi ayi, ‘Ngani eshi akaye kumusena wa bafu?’ ” (Nkokwaamba ayi nkuya mukubusha Klistu.)

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 1:20

Anu nyenyeenshi shosanwe ashobilo shili mulyaansa lyangu lyalulyo alimwi ashakubikaawo malampi sha golodi shili shosanwe ashobilo shileemikanina makani abushishi aya. Nyenyeenshi shosanwe ashobilo mbamatanjilili ba shoonde shili shosanwe ashobilo. Ashalo shakubikawo malampi shosanwe ashobilo nshoonde shili shosanwe ashobilo.

Ciyubululo 11:7

Na bakamanishe kushimikila makani ayo, cinyama cilya ciswa mucilindi citeeli cilaakulwanaabo. Cilaakubakoma alimwi akubacaya.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 20:1

Kuswawaawo ndakabona munjelo kaaswa kwiculu. Mulyaansa wakalinga kucite cakucalwisha cilindi citeeli alimwi ancetani inene.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 6:13

Nyenyeenshi shakalokela panshi bweenka mbuli nkuyu shibishi mboshiloka kuswa kucisamu na catenkaanishikwa amuuwo unene.

Ciyubululo 8:10

Munjelo watatu alakwe wakalisha lupeenga lwakwe. Lyalo nyenyeenshi inene yakalinga kubeka anga ncimunimweenge, yakaswa kwiculu akulokela pacipansha catatu ca milonga alimwi atuntupu twa maanshi.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Ciyubululo 8:2

Lyalo ndakabona baanjelo bosanwe abobilo beemikana kunembo lyakwe Lesa, kabapekwa mapeenga ali osanwe aobilo.

Ciyubululo 9:2

Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.