Ciyubululo 8:9 - Baibo Busansulushi Bwa Libuku Ili

⁹ cipansha catatu ca shilengwa shoonse shiyoya sha mulweenge shakafwa alimwi acipansha catatu ca maato anene cakanyonyooka.

Ciyubululo 8:9 ပူးပေါင်းရင်းမြစ်များ

Kulumbaisha 48:7

Mwebo nobaLesa, mwakabanyonyoola anga ngamaato aya kuTashishi, ayo akanyonyoolwa acipuupu ciswa kwicwe.

Kulonga 7:21

Inswi shoonse mumulonga shakafwa, alimwi shakalinga kununka cibiibi cakwaamba ayi bene Ijipiti bakaalilwa kunwaamo. Mucishi coonse ca Ijipiti mwakababo bulowa.

Isaya 2:16

Ulaakunyonyoola maato amakwebo akuTashishi ee, maato abotu oonse.

Isaya 23:1

Aya ngamaswi aamba pacishi ca Taya. Amoolome akulila cabuumba nobeshikweensha maato a kuTashishi palweenge! Ndabala ya kucito cine mishaanu ya Taya yanyonyoolwa. Taaku ŋanda yacaala muli njiyo, cito coonse canyonyoolwa. Aya makani bakaanyumfwa pakuboola amaato kuswa kuSaipulasi.

Sekaliya 13:8

Shipansha shobilo sha shotatwe sha bantu mucishi coonse, balaakufwa. Ee, kulaakucaalabo cipansha comwi.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Ciyubululo 12:4

Shinshimwe uyu wakoobola cipansha catatu ca nyenyeenshi sha mwiculu amucila wakwe akushiloshesha panshi. Kuswawaawo, wakeemikana kunembo lya mwanakashi wakalinga pafwaafwi akutumbuka kulindilila kwaamba ayi na mwaana ashalwe, eendililebo kumulya.

Ciyubululo 16:3

Lyalo munjelo wabili wakapukwita shakalinga mumbale yakwe ifongomene mulweenge. Maanshi oonse akababo anga mbulowa bwa mufu. Mpeeke shoonse shilengwa sha mulweenge shakafwa.

Ciyubululo 8:10

Munjelo watatu alakwe wakalisha lupeenga lwakwe. Lyalo nyenyeenshi inene yakalinga kubeka anga ncimunimweenge, yakaswa kwiculu akulokela pacipansha catatu ca milonga alimwi atuntupu twa maanshi.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Ciyubululo 8:7

Munjelo wakutaanguna ndyaakalisha lupeenga lwakwe, kwakaba mfula ya mabwe amulilo usenkene abulowa. Shoonse ishi shakalokela pacishi ca panshi. Mpeeke cipansha catatu ca cishi cakapya, cipansha catatu ca shisamu shoonse mucishi acalo cakapya kubikaawo abwiisu boonse butontola.

Ciyubululo 9:15

Mpeeke baanjelo abo bone bakaangululwa. Balo bakalinga kubambitwe kucaya cipansha catatu ca bantu boonse paciindi ceenka ici ca bushiku bweenka ubu bwa mweenshi weenka uyu wa mwaaka weenka uyo.

Ciyubululo 9:18

Cipansha catatu ca bantu boonse mucishi ca panshi cakacaikwa kwiinda mumyaalu yotatwe iyi, mulilo, bwiishi alimwi asalufa wakalinga kuswa mumilomo ya maaki.