Ciyubululo 8:5 - Baibo Busansulushi Bwa Libuku Ili

⁵ Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.

Ciyubululo 8:5 ပူးပေါင်းရင်းမြစ်များ

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

Kulumbaisha 18:13

Lyalo Mwaami Lesa wakaluluma kuswa kwiculu, liswi lya Shinkusu uyo Wiindaawo lyakanyumfwika.

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 66:6

Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Bene Lefi 16:12

ulaakubwesa mupika uswite makalangasha aswa kucipaililo alimwi amapaka obilo atununkila kabotu tupelekete, akushileta muMusena Usalalite Wiindaawo.

Sekaliya 14:5

Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Mateyo 24:7

Mushobo umwi ulaakubukila ubye, abwalo buleelo bulaakubukila bulelonyina. Kulaakuba nsala ashitentanshi mumisena ipusenepusene.

Luka 12:49

“Ndakesa mukuwaala mulilo mucishi. Ndalinga kusuni kwaamba ayi mulilo uyu naakwiinga koonyaka kale!

Milimo ya Batumwi 16:26

Mpomunyaawo kwakaba citentanshi cinene ico cakatenkaanya alwiimbi lwa ntolongo. Mpeeke milyango yakacaluka ancetani shakaloka kuswa kubakaili.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.

Ciyubululo 8:3

Mpomunyaawo munjelo aumwi wakesa weemikana pafwaafwi acipaililo, kaacite acakubikamo tununkila kabotu ca golodi. Wakapekwa atumwi tununkila kabotu tuunji kwaamba ayi pantu pomwi amipailo ya bashomi boonse, ape kuli Lesa pacipaililo ca golodi cakalinga kunembo lya cuuna ca bwaami.