Ciyubululo 8:3 - Baibo Busansulushi Bwa Libuku Ili

³ Mpomunyaawo munjelo aumwi wakesa weemikana pafwaafwi acipaililo, kaacite acakubikamo tununkila kabotu ca golodi. Wakapekwa atumwi tununkila kabotu tuunji kwaamba ayi pantu pomwi amipailo ya bashomi boonse, ape kuli Lesa pacipaililo ca golodi cakalinga kunembo lya cuuna ca bwaami.

Ciyubululo 8:3 ပူးပေါင်းရင်းမြစ်များ

1 Baami 7:50

nkomeshi, shakushimisha malampi, mbale shifongomene, mbale shinene shakubikaamo tununkila kabotu ashikaye shakubikaamo mulilo wa makalangasha alimwi ashakucatisha shisasa sha Musena Usalalite Wiindaawo alimwi ashisasa sha kuŊanda yakwe Lesa shapansengwe. Shakubotesha shoonse ishi shakapangishikwa golodi.

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulonga 40:26

Wakabika acipaililo ca golodi muTente, kunembo lya cisani cakushitilisha,

Isaya 6:6

Mpomunyaawo Selafu womwi wakoolukila kuli ndime alikalangasha ilyo ndyaakabwesela kulumano kuswa pacipaililo.

Esekelo 41:22

Kwakalinga cipaililo ca shisamu ico cakalinga kucite mamita ali 1.5 kuya mwiculu alimwi amita yomwi mubufwaafwi. Ono shisamu sha mumakonko, capanshi ca ncico alimwi asha mumbasu shoonse shakalinga sha shisamu. Mpomunyaawo muntu uyo wakandwiita ayi, “Iyi njetebulu ili pameenso a Mwaami Lesa.”

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Shakubelenga 4:11

“Kuswawaawo balaakuyala cisani ca mushobo waliculu pacipaililo ca golodi, akufwekawo cipaya citeshimite alimwi akwinjishamo shisamu shakunyamushaako.

Luka 1:10

Sekaliya ndyaakalinga kutenta tununkila kabotu, likoto lya bantu lyakalinga pansengwe kalipaila.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Ciyubululo 10:1

Kuswawaawo, ndakabona aumwi munjelo shinkusu kaaswa kwiculu. Wakalinga kupilite mulikumbi, kumutwi wakwe kwakalinga kushingulukite nkongolo. Ciwa cakwe cakalinga kubala anga ndisuba alimwi myeendo yakwe yakalinga anga njimyaalamyaala ya mulilo.

Ciyubululo 14:18

Mpomunyaawo munjelo umwi uyo weendelesha sha mulilo, wakaswa kucipaililo. Wakoolobesha munjelo uyo wakalinga kucite cicekeshi cikolete ayi, “Sebensesha cicekeshi cako, utebule minyansa ya mumuunda wa mucishi ca panshi mukwiinga yapya!”

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Ciyubululo 6:9

Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.

Ciyubululo 7:2

Lyalo ndakabona munjelo aumwi kaaswa kwicwe kaacite cishibilo cakwe Lesa muumi. Wakoolobesha pakwiita baanjelo bone abo Lesa mbwaakapa nkusu sha kunyonyoola cishi alimwi alweenge.

Ciyubululo 8:4

Ono bwiishi bwa tununkila kabotu uto twakatentwa, bwakalinga kusunta kabuya kwiculu pantu pomwi amipailo ya bashomi, kabuswa mulyaansa lya munjelo wakalinga kwiimfwi kunembo lyakwe Lesa.

Ciyubululo 8:5

Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.

Ciyubululo 9:13

Mpomunyaawo munjelo wasanu awomwi wakalisha lupeenga lwakwe. Lyalo ndakanyumfwa liswi kuswa mumbasu shone sha cipaililo ca golodi ico cakalinga kunembo lyakwe Lesa.