Ciyubululo 8:1 - Baibo Busansulushi Bwa Libuku Ili

¹ Ono Mwanaambelele ndyaakalamatula kalamatila wa keshibilo wasanu awobilo, kwiculu kwakoomuna mpashi kwamusa wa awala yomwi.

Ciyubululo 8:1 ပူးပေါင်းရင်းမြစ်များ

Jobo 4:16

Kunembo lyangu kwakeemikana cintu, sombi ndakaalilwa kucishiba na nciinshi. Kwakoomuna tontolo, lyalo ndakanyumfwa liswi.

Kulumbaisha 37:7

Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Abakuku 2:20

Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Mateyo 27:66

Mpeeke bakanyamuka akuya mukushinkashinka mweela libwe akushiyako beshikulindilila.

Ciyubululo 5:1

Lyalo ndakabona libuku mulyaansa lyalulyo lya wooyo wakalinga kushiite pacuuna ca bwaami ico. Libuku ili lyakalinga kuswitebo malembo, mukati apansengwe poonse alimwi lyakalinga kulamatikitwe abakalamatila ba keshibilo bali bosanwe abobilo.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Ciyubululo 6:1

Mpeeke ndakabona Mwanaambelele kaalamatula kalamatila wa keshibilo utaanshi pabaabo bali bosanwe abobilo. Lyalo ndakanyumfwa cilengwa cuumi cimwi pashilengwa shone isho, coolobesha aliswi lyakalinga kunyumfwika anga ncilulumo ca mfula ayi, “Kosa!”

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.

Ciyubululo 6:3

Mwanaambelele uyo ndyaakalamatula kalamatila wabili, ndakanyumfwa cilengwa cuumi cabili kacaamba ayi, “Kosa!”

Ciyubululo 6:5

Mwanaambelele ndyaakalamatula kalamatila watatu, ndakanyumfwa cilengwa cuumi catatu kacaamba ayi, “Kosa!” Mpomunyaawo mwakaswa liaki limwi, lyalo lyakalinga kushiya. Wakalinga kutantiteewo wakalinga kucite cipimo mulyaansa.

Ciyubululo 6:7

Ono ndyaakalamatula kalamatila wane, ndakanyumfwa cilengwa cuumi cane kacaamba ayi, “Kosa!”

Ciyubululo 6:9

Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.