Ciyubululo 7:16 - Baibo Busansulushi Bwa Libuku Ili

¹⁶ Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.

Ciyubululo 7:16 ပူးပေါင်းရင်းမြစ်များ

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Mateyo 5:6

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Kulumbaisha 121:6

Lisuba teshi likakucisewo ciindi ca malumwi, nabi mweenshi awalo ciindi ca mashiku.

Luka 6:21

“Mulicite coolwe mwebo nomufwa nsala bulya mukwiinga mulaakukuta! “Mulicite coolwe mwebo nomutoolila mukwiinga mulaakusekelela!

Luka 1:53

Wapa bafwite nsala shintu shiinji shibotu, akuboosha babile maansabo.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Mateyo 13:6

Sombi lumwi ndilwakabala, busonga boonse bwakapya akuyuma, ceebo miyanda taikwe kuya bunene panshi.

Lwiimbo lwakwe Solomoni 1:6

Mutanoonshibuluka ayi mukwiinga ndashiya ee, ayi mukwiinga lumwi lwakanshiyisha. Baana basankwa muli bama bakalinga kunkalalila akuntuma kuya mukulama muunda wa minyansa. Paceebo ceeco ndakabula ciindi cakunoolibotesha.

Kulumbaisha 42:2

Moyo wangu utoolila Lesa, ncakwiila Lesa uyo muumi. Anu nebo inga ndaya lili mukulambila pameenso akwe Lesa?

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.

Maako 4:17

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Maako 4:6

Sombi lumwi ndilwakabala, busonga boonse bwakapya akuyuma ceebo miyanda taikwe kuya bunene panshi.

Mateyo 13:21

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Kulumbaisha 143:6

Ndatambika maansaangu kuli ndimwe mukupaila. Moyo wangu ulinyumfwite nyotwa bweenka mbuli bulongo buyumu mbobulila maanshi.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 121:5

Mwaami Lesa ngomulama, Lakwe ncecimfule cako kulyaansa lyako lyalulyo.