Ciyubululo 7:10 - Baibo Busansulushi Bwa Libuku Ili

¹⁰ Bakoolobesha ayi, “Lupulusho lulaswa kuli Lesa wesu ushiite pacuuna ca bwaami alimwi akuMwanaambelele!”

Ciyubululo 7:10 ပူးပေါင်းရင်းမြစ်များ

Kulumbaisha 115:1

Kuteshi ndiswe noBaami baLesa, ee, kuteshi ndiswe, sombi ndimwebo nweenka nomweelete kulemekwa, ceebo ca lusuno lwanu lutamaani akushomeka kwanu.

Kulumbaisha 3:8

Ncakwiila kukoma kulaswabo kuMwaami Lesa, ono aape coolwe bantu bakwe.

Kulumbaisha 37:39

Mwaami Lesa ngoopulusha baluleme, muli nguwe mobayuba muciindi ca mapensho.

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 45:15

Nobene Isilaeli, Lesa wanu uyo umupulusha, ncakwiila nguLesa ulishisa.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Jelemiya 3:23

Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.

Osiya 13:4

Mwaami Lesa waamba ayi, “Nebo ndime neMwaami Lesa, Lesa wanu nendakamukusha mucishi ca Ijipiti. Tamweelete kwishiba balesa bamwi kuleka ndime. Nebo neenka ndime Mupulushi wanu.

Jona 2:9

Sombi ndaakubenga mulambu, akwiimba lwiimbo lwakulumba. Ico ncendakamushomesha cakulumbila, ndaakucicita. Ncakwiila lupulusho lulaswabo kuli ndimwe noBaami baLesa.”

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Luka 3:6

Lyalo mishobo yoonse ya bantu ilaakubona lupulusho lwakwe Lesa!’ ”

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 1:36

Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!”

Joni 4:22

Mwebo nobene Samaliya mulalambila ncemuteshi, sombi swebo tulalambila ncetwishi mukwiinga lupulusho lulaswa kubaJuda.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Ciyubululo 12:10

Kuswawaawo ndakanyumfwa liswi lyakoolobeshekwa kuswa kwiculu ayi, “Ono Lesa watupulusha! Wabonesha nkusu shakwe ayi nguMwaami. Usalitwe wakwe wabonesha nkusu shakwe. Mukwiinga uyo wakalinga kubekesha bashominyineesu malumwi amashiku kuli Lesa wesu wawaalwa panshi.

Ciyubululo 19:1

Ndishakeenda shoonse ishi, ndakanyumfwa cakalinga kunyumfwika anga nciyobeyobe cinene ca bantu baanji kwiculu kabaamba ayi, “Aalumbaishikwe Lesa! Lupulusho, bulemu alimwi ankusu shoonse nshakwe Lesa wesu!

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”

Ciyubululo 22:3

Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.

Ciyubululo 4:6

Kunembo lya cuuna ico kwakalinga cintu cakalinga kuboneka anga ndweenge lwakalinga kubeka anga ndibwe lya maanshi. Mumbasu shoonse shone sha cuuna ca bwaami ico, mwakalinga shilengwa shuumi shone isho shakalinga kuswitebo meenso mubili woonse, kunembo akwisule koonse.

Ciyubululo 5:7

Mpeeke Mwanaambelele wakaya mukutambula libuku ilyo mulyaansa lyalulyo lyakwe wooyo wakalinga kushiite pacuuna ca bwaami.