Ciyubululo 6:9 - Baibo Busansulushi Bwa Libuku Ili

⁹ Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.

Ciyubululo 6:9 ပူးပေါင်းရင်းမြစ်များ

Matalikilo 4:10

Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Kulonga 29:12

Alimwi ukabwese bulowa bumwi bwa mucende, ukasumpemo munwe akunanika shintu shili anga ngameeca sha kucipaililo. Lyalo bulowa boonse mbweshi bukacaaleewo ukabutile pacapanshi ca cipaililo.

Bene Lefi 4:7

Kuswawaawo, ulaakubika bulowa bumwi pameeca a mumakonko oonse a cipaililo ca tununkila kabotu cili kunembo lyangu neMwaami Lesa muTente. Lyalo bulowa boonse bweshi bukacaaleewo ulaakubutila panshi pacipaililo cakutentelawo milambu, ico cili pamulyango wa Tente.

Joni 16:2

Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

2 Timoti 4:6

Kwaamba pali ndime, ciindi cangu cashikila ayi mbengwe pacipaililo, nciindi cakushiya buumi buno.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Ciyubululo 1:2

Joni wakasansulula shoonse nshaakabona alimwi shoonse ishi shilaamba pamaswi akwe Lesa akupa bukamboni pasheesho shakaamba Jesu Klistu.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 14:18

Mpomunyaawo munjelo umwi uyo weendelesha sha mulilo, wakaswa kucipaililo. Wakoolobesha munjelo uyo wakalinga kucite cicekeshi cikolete ayi, “Sebensesha cicekeshi cako, utebule minyansa ya mumuunda wa mucishi ca panshi mukwiinga yapya!”

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 8:3

Mpomunyaawo munjelo aumwi wakesa weemikana pafwaafwi acipaililo, kaacite acakubikamo tununkila kabotu ca golodi. Wakapekwa atumwi tununkila kabotu tuunji kwaamba ayi pantu pomwi amipailo ya bashomi boonse, ape kuli Lesa pacipaililo ca golodi cakalinga kunembo lya cuuna ca bwaami.

Ciyubululo 9:13

Mpomunyaawo munjelo wasanu awomwi wakalisha lupeenga lwakwe. Lyalo ndakanyumfwa liswi kuswa mumbasu shone sha cipaililo ca golodi ico cakalinga kunembo lyakwe Lesa.