Ciyubululo 6:2 - Baibo Busansulushi Bwa Libuku Ili

² Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.

Ciyubululo 6:2 ပူးပေါင်းရင်းမြစ်များ

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 98:1

Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Sekaliya 1:8

Mashiku mucili anga nciloto ndakabona musankwa kaatantite liaki lisalala. Wakesa weemikana mushisamu sha masompe mucinyika ca mulonga. Kwisule kwakalinga aamwi maaki asalala, acite shibala shisalala aatubabo tu.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 11:18

Bantu bakunsengwe bakakalala abuumbi, ono ciindi cakubonesha bukali bwanu aciindi cakoombolosha bafu cashikila. Ee, ciindi cakupa shilambu kubasebenshi banu, balaluki alimwi abantu banu boonse abo bamulemeka, bantubo alimwi abalemekwa boonse cashikila. Ciindi cashikila cakwaamba ayi munyonyoole baabo boonse banyonyoola cishi ca panshi!”

Ciyubululo 14:14

Mpomunyaawo ndakalangilisha akubona likumbi lituba, kapashiite wakalinga kuboneka anga nguMwanaaMuntu. Kumutwi wakalinga kufwete mushini wa golodi, kaacite acicekeshi cikolete kulyaansa.

Ciyubululo 15:2

Kuswawaawo ndakabona cakalinga kuboneka anga ndweenge lwakalinga kubeka lusenkene amulilo. Ndakabona abaabo bakakoma munyama uyo, cibumbwabumbwa cakwe alimwi awooyo ucite nambala ya keshibilo ka liina. Bakalinga kwiimfwi mweela lweenge lwakalinga kubeka, kabacatite atulumbu uto Lesa ntwaakabapa.

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:14

Bashilumamba boonse ba kwiculu bakamukonkela kabatantite pamaaki atuba, kabafwete shakufwala shiteshimite shituba tuu.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Ciyubululo 9:7

Nsoshi ishi shakalinga kubonekabo anga ngamaaki atoolindilabo kuya kunkondo. Pamitwi ya nshisho, pakalinga shimwi shakalinga kuboneka anga njimishini ya golodi alimwi shiwa sha nshisho shakalinga kubonekabo anga nsha bantu.