Ciyubululo 5:5 - Baibo Busansulushi Bwa Libuku Ili

⁵ Mpeeke muloba umwi wakaŋambila ayi, “Utanoolila! Bona! Uyo wiitwa ayi Inkalamu ya mumukowa wakwe Juda, wamulunyungu lwakwe Defedi wakakoma, aboobo ulakonsha kulamatula bakalamatila bosanwe abobilo abo akucalula libuku ili.”

Ciyubululo 5:5 ပူးပေါင်းရင်းမြစ်များ

1 Baami 10:20

Kwakalinga nkalamu shakubumba shili likumi ashobilo, nkokwaamba ayi kweela citantilo koonse koonse kwakalinga nkalamu yomwi yomwi. Taaku mwaami umwi wakalinga kucitewo cuuna ca bwaami ca mushobo uyo.

2 Makani 9:18

Cuuna ico cakalinga kucite matantilo osanwe aobilo. Kwakuyaamina kwakalinga kubulungene anga ngumutwi wa mucende mwaana. Kumbasu shobilo shoonse cakalinga kucite mwakutula maansa ankalamu yakubumba kayiimfwi kulubasu lwa mwakutula maansa komwi akomwi.

Jobo 41:15

Pamusana wakwe paliilinkene maamba anga ngamayawo ayo apaankene cankusu cakuyumabo anga ndibwe.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Jelemiya 31:16

Ono Mwaami Lesa waamba ayi, “Cileke kulila akukunkumuna minsonshi yako. Mulimo ngowakacita pabana bako ulaakulambulwa. Boonse balaakuboola kuswa kucishi ca balwani bako.

Danyelo 7:16

Mpeeke ndakaya kumuntu womwi pabaabo bakalinga kwiimfwi kunembo pamusena uyo akumwiipusha bwaamba shintu isho. Lyalo wakansansulwita mboshaamba.

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Luka 23:28

Ono Jesu wakapiluluka akubaambila ayi, “Nobalutundu ba muJelusalemu mutalilili ndime, sombi mulililile nobeene alimwi abana banu.

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Luka 8:52

Mpeeke mwakalingabo mibila ceebo ca mulindu uyo wakalinga kufwite. Nakubi boobo Jesu wakabaambila ayi, “Amucileeke kulila ceebo mulindu uyu taafwite, uliletebo.”

Joni 20:13

Mpomunyaawo bakamwiipusha ayi, “Owalutundu, ino utoolilanshi?” Lakwe wakakumbula ayi, “Bantu bakusha Baami bangu mucuumbwe alimwi nshishi nkobabatola.”

Bene Loma 1:3

Makani Abotu aya alaamba shaMwanaakwe, Mwaami wesu Jesu Klistu, wakashalwa mulunyungu lwakwe Defedi mukushalwa kwabuntu.

Bene Loma 15:12

Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Ciyubululo 5:4

Ndakalila abuumbi ceebo takukwe kucanika nabi womwi wakalinga kweelete kucalula libuku ilyo nabi kubona shakalingaamo.

Ciyubululo 6:1

Mpeeke ndakabona Mwanaambelele kaalamatula kalamatila wa keshibilo utaanshi pabaabo bali bosanwe abobilo. Lyalo ndakanyumfwa cilengwa cuumi cimwi pashilengwa shone isho, coolobesha aliswi lyakalinga kunyumfwika anga ncilulumo ca mfula ayi, “Kosa!”

Ciyubululo 7:13

Mpomunyaawo umwi muloba wakanjipusha ayi, “Ino aba bantu bafwete shisani shituba mbaani alimwi ankobaswita nkuli?”