Ciyubululo 4:7 - Baibo Busansulushi Bwa Libuku Ili

⁷ Cilengwa cuumi cakutaanguna cakalinga kuboneka anga ninkalamu, cabili cakalinga kuboneka anga ngumucende, catatu cakalinga kucite ciwa cili anga nca muntu alimwi cane cakalinga kuboneka anga ngumumbankwashi utokuuluka.

Ciyubululo 4:7 ပူးပေါင်းရင်းမြစ်များ

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

2 Samwelo 1:23

“Saulo aJonasani balinga bantu bakondelesha alimwi basunikwi, mubuumi bobilo akubulongo bobilo, basankwa bacabeene anga ngumumbankwashi, bacite nkusu shiinda nkusu sha nkalamu.

Tushimpi 28:2

Na cishi kacicite baashu cilaba abaleli baanji, sombi muntu ucite maano akunyumfwisha shintu alushibo ulalelabo caluumuno.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Esekelo 1:10

Cilengwa comwi acomwi cakalinga kucite shiwa shone shipusenepusene. Ciwa ca kunembo cakalinga ca muntu, cakululyo cakalinga ca nkalamu, ca kucipiko cakalinga ca musune acalo cakwisule cakalinga ca mumbankwashi.

Esekelo 1:8

Kunshi lya mapapaminwa ayo one, kumbasu shone sha nshisho, shakalinga kucite maansa mbuli a muntu. Shoonse shone shakalinga kucite shiwa alimwi amapapaminwa.

Esekelo 10:14

Kelebu womwi awomwi wakalinga kucite shiwa shone. Ciwa cakutaanguna cakalinga ca kelebu, cabili cakalinga ca muntu, catatu cakalinga ca nkalamu, cane cakalinga ca mumbankwashi,

Esekelo 10:21

Womwi awomwi wakalinga kucite shiwa shone, mapapaminwa one alimwi acintu cakalinga kuboneka anga ndyaansa lya muntu munshaalipapaminwa lyomwi alyomwi.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”

Shakubelenga 23:24

Bene Isilaeli balanyamuka anga ninkalamu yanakashi, balalibusha anga ninkalamu isankwa. Tayookeshi kushikila yacaya akulya, akunwa bulowa bwa ceeco nceyacaya.”

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Ciyubululo 4:6

Kunembo lya cuuna ico kwakalinga cintu cakalinga kuboneka anga ndweenge lwakalinga kubeka anga ndibwe lya maanshi. Mumbasu shoonse shone sha cuuna ca bwaami ico, mwakalinga shilengwa shuumi shone isho shakalinga kuswitebo meenso mubili woonse, kunembo akwisule koonse.

Ciyubululo 6:3

Mwanaambelele uyo ndyaakalamatula kalamatila wabili, ndakanyumfwa cilengwa cuumi cabili kacaamba ayi, “Kosa!”

Ciyubululo 6:5

Mwanaambelele ndyaakalamatula kalamatila watatu, ndakanyumfwa cilengwa cuumi catatu kacaamba ayi, “Kosa!” Mpomunyaawo mwakaswa liaki limwi, lyalo lyakalinga kushiya. Wakalinga kutantiteewo wakalinga kucite cipimo mulyaansa.

Ciyubululo 6:7

Ono ndyaakalamatula kalamatila wane, ndakanyumfwa cilengwa cuumi cane kacaamba ayi, “Kosa!”