Ciyubululo 4:5 - Baibo Busansulushi Bwa Libuku Ili

⁵ Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.

Ciyubululo 4:5 ပူးပေါင်းရင်းမြစ်များ

Matalikilo 15:7

Lyalo Mwaami Lesa wakamwaambila ayi, “Ndime Mwaami wakakukusha mundabala ya Ulu mucishi ca Babiloniya kwaamba ayi nkupe cishi cino ayi ncaako.”

2 Makani 4:20

Wakapanga shakubikaawo sha golodi wiine wiine amalampi a nshisho ayi kaanyaka kunembo lya Musena Usalalite Wiindaawo kweelana ambocakaambwa.

Kulumbaisha 68:35

Lesa uyu, ee, Lesa wa bene Isilaeli ulaloondesha abuumbi ndyaaba muŋanda yakwe Isalalite. Ono ulapa nkusu abulemu kubantu bakwe. Aalumbaishikwe Lesa!

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulonga 25:37

Pacakubikawo malampi, ukapangilewo malampi osanwe aobilo akwaabika peculu cakwaamba ayi akanoomunikila kunembo.

Kulonga 37:23

Pacakubikawo malampi, wakapangilaawo malampi osanwe aobilo alimwi wakapanga amano alimwi ambale shiselebete sha ncico sha golodi wiine wiine.

Esekelo 1:13

Shilengwa isho shakalinga kubonekabo anga ngamakalangasha a mulilo atoonyaka nabi cimunimwenge. Mulilo wakalinga kweenda kuya kunembo akuboola kwisule pashilengwa isho. Kwakalinga kutuba alimwi kuswa mumulilo uyo mwakalinga kuswa mabeebe.

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Sekaliya 4:2

Mpeeke wakanjipusha ayi, “Wabonanshi?” Lyalo ndakamukumbula ayi, “Ndabona cakubikaawo malampi cakapangwa agolodi. Peculu pali mbale ifongomene yakubikamo mafuta. Cakubikaawo malampi ici cilicite malampi osanwe aobilo, limwi alimwi lilicite tulyango tosanwe atobilo twakwiindamo ntambo.

Mateyo 25:1

“Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga.

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Milimo ya Batumwi 2:3

Lyalo bakabona shimwi shakalinga kuboneka anga njimilaka ya mulilo iyo yakaya mukwikala pali womwi awomwi.

Ciyubululo 1:4

Ndime Joni nentoolembela ndimwe noshoonde shosanwe ashobilo shili mucishi ca Esha. Lesa uyo uliiwo, wakalingaawo alimwi weshi akanooliiwo amupe luse aluumuno. Ayalo mishimu yosanwe ayobilo ili kunembo lya cuuna cakwe ca bwaami imupe luse aluumuno.

Ciyubululo 10:3

Lyalo wakoolobesha muliswi lyakanyumfwika anga nkubuluma kwa nkalamu. Ndyaakamana koolobesha, shilulumo shili shosanwe ashobilo shakanyumfwika.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 3:1

“Mutanjilili wa kucoonde ca kuSadisi umulembele ayi, “Aya ngamakani aamba wooyo ucite mishimu yakwe Lesa ili yosanwe ayobilo alimwi anyenyeenshi shili shosanwe ashobilo. Utokwaamba ayi, ‘Milimo yako ndiishi alimwi ulicite mpuwo ayi uli muumi, nakubi kwaamba ayi ulifwite.

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Ciyubululo 8:5

Lyalo munjelo wakabwesa cakubikamo tununkila kabotu cilya akubwesa makalangasha pacipaililo, wacisusha akuciwaala mucishi ca panshi. Mpomunyaawo kwakaba ciyobeyobe alimwi acilulumo, kubeka kwa mfula alimwi acitentanshi.