Ciyubululo 4:4 - Baibo Busansulushi Bwa Libuku Ili

⁴ Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Ciyubululo 4:4 ပူးပေါင်းရင်းမြစ်များ

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Kulumbaisha 21:3

Mwakamupa buumi mbwaakalinga kusenga, akumufwalika mushini wa golodi wiine wiine kumutwi wakwe.

Mateyo 19:28

Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Ciyubululo 11:16

Mpomunyaawo bamaloba bali makumi obilo abone, abo bekala pashuuna shabo sha bwaami kunembo lyakwe Lesa, bakafukama cakishisha shiwa panshi akulambila Lesa.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Ciyubululo 19:14

Bashilumamba boonse ba kwiculu bakamukonkela kabatantite pamaaki atuba, kabafwete shakufwala shiteshimite shituba tuu.

Ciyubululo 19:4

Bamaloba abo bali makumi obilo abone alimwi ashilengwa shuumi isho shili shone shakafukama akulambila Lesa ukala pacuuna ca bwaami. Bakaamba ayi, “Ameni! Aalumbaishikwe Lesa!”

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:6

Kunembo lya cuuna ico kwakalinga cintu cakalinga kuboneka anga ndweenge lwakalinga kubeka anga ndibwe lya maanshi. Mumbasu shoonse shone sha cuuna ca bwaami ico, mwakalinga shilengwa shuumi shone isho shakalinga kuswitebo meenso mubili woonse, kunembo akwisule koonse.

Ciyubululo 5:11

Kuswawaawo, ndakalangilisha alimwi, akubona baanjelo bali shuulu ashuulu shitabelengwi. Bakalinga kushingulukite cuuna ca bwaami, shilengwa shuumi shili shone alimwi abamaloba abo.

Ciyubululo 5:14

Mpeeke shilengwa shuumi shili shone shakakumbula ayi, “Ameni!” Lyalo bamaloba abo bakafukama akulambila.

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Ciyubululo 6:11

Mpomunyaawo boonse bakapekwa cisani cituba comwi comwi, akulwiitwa ayi bookesheeko akulindililaako paniini kushikila mweelo weelete wa basebenshinyinaabo alimwi bashominyinaabo bakacaikwe kweelana ambobakacaikwa abalo.

Ciyubululo 7:11

Mpeeke baanjelo boonse bakeemikana akushinguluka cuuna ca bwaami, bamaloba alimwi ashilengwa shuumi shone isho, kabeemfwi. Lyalo bakafukama cakushisha shiwa panshi kunembo lya cuuna ca bwaami, akulambila Lesa,

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Ciyubululo 9:7

Nsoshi ishi shakalinga kubonekabo anga ngamaaki atoolindilabo kuya kunkondo. Pamitwi ya nshisho, pakalinga shimwi shakalinga kuboneka anga njimishini ya golodi alimwi shiwa sha nshisho shakalinga kubonekabo anga nsha bantu.