Ciyubululo 3:9 - Baibo Busansulushi Bwa Libuku Ili

⁹ Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Ciyubululo 3:9 ပူးပေါင်းရင်းမြစ်များ

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Isaya 43:4

Ndaakubenga mishobo yakabumbulu kwaambabo ayi mpulushe buumi bwanu. Ceebo mwebo kuli ndime muli cintu ca makwebo. Peculu lya waawo ndimusuni abuumbi alimwi ndamulemeka.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.

1 Samwelo 2:36

Uyo woonse wamulunyungu lwako weshi akapuluke ulaakunooya kumupailishi uyo mukusenga maali ashakulya. Ulaakusenga ayi asuminishikwe kucafwa mupailishi kwaamba ayi anoocanako cakulya.”