Ciyubululo 3:8 - Baibo Busansulushi Bwa Libuku Ili

⁸ Utokwaamba ayi, ‘Milimo yako ndiishi. Ndakacalula cisasa kunembo lyako, ico muntu uli woonse nceenga taakoonshi kucala. Ndishi ayi ulicite nkusu shiniini, nakubi boobo wakonkela kwiisha kwangu, tookwe kunkakaawo.

Ciyubululo 3:8 ပူးပေါင်းရင်းမြစ်များ

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Danyelo 11:34

Bantu abo balaakucafwikwa paniini muciindi cabo ca mapensho, sombi baanji beshi bakabe kulubasu lwabo teshi bakanooshomeka.

Luka 12:9

Sombi uyo weenga wankaka pameenso a bantu, alakwe MwanaaMuntu ulaakumukaka pameenso a baanjelo bakwe Lesa.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Joni 17:6

“Abo batumwi mbomwakapatula kuswa mubantu boonse akumpa, ndabeeisha kwaamba ayi bamwishibe. Bakalinga baanu, sombi mwakampa alimwi bakonkela maswi anu.

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

1 Bene Kolinto 16:9

Kuno Lesa wancalwita mulyango kwaamba ayi ncite mulimo unene nakubi ayi kuli bampikisha baanji.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Kolose 4:3

Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

1 Timoti 5:8

Sombi na muntu umwi taasuni kucafwa bamakwabo bunene bunene bamumukowa wakwe mwiine, wakaka lushomo lwakwe alimwi uleendaawo kuluba pamuntu utashomi.

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Ciyubululo 22:7

Jesu utokwaamba ayi, “Amubone, ntoofwambaana kuboola! Balicite coolwe abo bakonkela maswi abulaluki ali mulibuku ili.”

Ciyubululo 3:1

“Mutanjilili wa kucoonde ca kuSadisi umulembele ayi, “Aya ngamakani aamba wooyo ucite mishimu yakwe Lesa ili yosanwe ayobilo alimwi anyenyeenshi shili shosanwe ashobilo. Utokwaamba ayi, ‘Milimo yako ndiishi alimwi ulicite mpuwo ayi uli muumi, nakubi kwaamba ayi ulifwite.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

Ciyubululo 3:15

Utokwaamba ayi, ‘Milimo yako ndiishi, tootontoli nabi kulungula. Naakwiinga kootontola nabi kulungula, necalinga cibotu kuli ndime.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.