Ciyubululo 3:7 - Baibo Busansulushi Bwa Libuku Ili

⁷ “Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Ciyubululo 3:7 ပူးပေါင်းရင်းမြစ်များ

Jobo 11:10

“Ono na Lesa wakucata akukoombolosha, anu ngani weenga wakonsha kumukasha?

Jobo 12:14

Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Kulumbaisha 16:10

Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Isaya 22:22

Ndaakumupa cakucalwisha cakwe Defedi. Ico nceenga wacalula taaku weenga wacicala acalo nceenga wacala taaku weenga wacicalula.

Isaya 30:11

Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 41:20

Bantu balaakucibona cikani ici, balaakwishiba ayi ndime neMwaami Lesa ndacicita. Balaakushika pakushinisha kwaamba ayi Lesa usalalite wa bene Isilaeli ngowacilengesha kucitika.”

Isaya 47:4

Usalalite wa bene Isilaeli ngoMupulushi wesu. Liina lyakwe nguMwaami Lesa Shinkusu shoonse.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Mateyo 16:19

Ndaakukupa shakucalwisha kuBweene bwa kwiculu, aceeco coonse nceshi ukaange pacishi ca panshi, cilaakwaangwa akwiculu, aceeco coonse nceshi ukaangulule pacishi ca panshi, akwiculu koonse cilaakwaangululwa.”

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Luka 1:32

Uyu mwaana ulaakuba mulemu alimwi ulaakunokwiitwa ayi Mwanaakwe Lesa wa kwiculu Wiindaawo. Mwaami Lesa ulaakumupa bwaami bweenka bwakalinga kucite Defedi ishi mukulukulu.

Luka 4:34

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi ndimwe wooyo Usalalite uswa kuli Lesa!”

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Milimo ya Batumwi 3:14

Jesu wakalinga muntu usalalite alimwi ululeme. Sombi mwebo mwakamukaka akusenga Pilato ayi amwaangulwite mucayi.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 2:1

“Mutanjilili wa kucoonde ca kuEfeso, umulembele ayi, “Aya ngamakani aamba wooyo ucite nyenyeenshi shili shosanwe ashobilo mulyaansa lyalulyo alimwi weenda pakati ka shakubikaawo malampi sha Golodi shili shosanwe ashobilo.

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”