Ciyubululo 3:5 - Baibo Busansulushi Bwa Libuku Ili

⁵ Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’

Ciyubululo 3:5 ပူးပေါင်းရင်းမြစ်များ

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Mateyo 10:32

“Uyo woonse weenga wansumina pameenso a bantu, anebo ndaakumusumina kuli baTa bali kwiculu.

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Luka 12:8

“Ntoomulwiita ayi uyo weenga wansumina pameenso a bantu, alakwe MwanaaMuntu ulaakumusumina pameenso a baanjelo bakwe Lesa.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 19:8

Mwanakashi uyu wapekwa shisani shiteshimite shituba kwaamba ayi afwale.” (Shisani shiteshimite shituba shileemikanina micito ibotu ya bashomi.)

Ciyubululo 2:11

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, lufu lwabili teshi lukamukumyeewo.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 22:19

Na muntu uli woonse wakusha maswi amwi pamaswi abulaluki ali mulibuku ili, Lesa alakwe ulaakumukushishaako shisepo sha kucisamu cipa buumi, amusena wakwe wa mundabala inene isalalite, isho shasansululwa mulibuku ili.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

Ciyubululo 3:4

Sombi nkobali bamwi baniini muSadisi abo batakwe kubisha shakufwala shabo. Balaakweenda anebo kabafwete shakufwala shituba tuu mukwiinga mbobeelete.

Ciyubululo 6:11

Mpomunyaawo boonse bakapekwa cisani cituba comwi comwi, akulwiitwa ayi bookesheeko akulindililaako paniini kushikila mweelo weelete wa basebenshinyinaabo alimwi bashominyinaabo bakacaikwe kweelana ambobakacaikwa abalo.

1 Samwelo 17:25

Ono bene Isilaeli bakalinga kwaamba ayi, “Mwamubona muntu mbwaacitekobo kunyansha bene Isilaeli? Mwaami Saulo ulaakupa buboni buunji kuli wooyo weshi akamucaaye. Ulaakumupa amwanaakwe mwanakashi ayi eebe alimwi akwaangulula bamuŋanda ya bashali bakwe kukusonka musonko mucishi ca Isilaeli.”