Ciyubululo 3:3 - Baibo Busansulushi Bwa Libuku Ili

³ Ibaluka ico ncewakeeishikwa ancewakanyumfwa, kuswawaawo ucikonkele akusanduka kuswa kushibiibi shako. Na ubule kubuka, ndaakwisa anga ngumwiipi alimwi teshi ukeshibeewo aciindi nceshi nkakupolele.

Ciyubululo 3:3 ပူးပေါင်းရင်းမြစ်များ

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Maako 13:33

Amucenjele, mulangishishe, mukwiinga tamwishi ciindi ico ndyeshi cikashiike.

Maako 13:36

Na akaboole cakupulumukabo atakacani kamulete.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

2 Timoti 1:13

Catisha kukonkela maswi alushinisho ayo ngondakakwiisha kwaamba ayi abe citondesho cakukonkela. Kocita boobo mulushomo alusuno ulo ndotucite muli Klistu Jesu.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

2 Pita 1:13

Ndayeeya ayi ncibotu abuumbi kunoomwiibalusha makani aya kancili muumi.

2 Pita 3:1

Nomusunikwi, nkalata iyi njentoomulembela njabili. Mumakalata oonse obilo ndalinga kweelesha kumwiibalusha makani aya kwaamba ayi mutolelele kuba amiyeeyo iluleme.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Ciyubululo 16:15

“Amunyumfwe! Ntoosa anga ngumwiipi! Ulicite coolwe uyo ushiite kaalama shakufwala shakwe kuloonda kunyumfwa nsoni na weenda matakosha mubantu!”

Ciyubululo 2:25

Sombi muyumebo mukukonkela sheesho nshemucite kale, kushikila nkese.

Ciyubululo 2:5

Ono ibaluka mbuli mbowakalinga kootana kuwa! Ulyeelete kusanduka kuswa kushibiibi shako akutalika kwikala buumi mbowakalinga kucite pakutaanguna. Ono na ubule kusanduka kuswa kushibiibi shako, ndaakwisa kuli ndiwe mukukusha cakubikawo lilampi cako pamusena wa ncico.

Ciyubululo 22:7

Jesu utokwaamba ayi, “Amubone, ntoofwambaana kuboola! Balicite coolwe abo bakonkela maswi abulaluki ali mulibuku ili.”

Ciyubululo 3:11

Teshi ncelwe kwisa, yumabo kukonkela sheesho nshoocite kale kwaamba ayi kutabi muntu nabi womwi weshi akakunyaaye mushini wako.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

Ciyubululo 3:2

Anu buka, uyumye ceeco ncoocite kacitana kufwitilila. Mukwiinga ndaboona ayi milimo yako teena kululama cancinencine pameenso akwe Lesa wangu.