Ciyubululo 22:3 - Baibo Busansulushi Bwa Libuku Ili

³ Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.

Ciyubululo 22:3 ပူးပေါင်းရင်းမြစ်များ

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Esekelo 37:27

Ndaakunookala pakati kabo. Ndaakuba Lesa wabo, abalo balaakuba bantu bangu.

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Sekaliya 14:11

Lyalo bantu balaakwikalaamo muluumuno. Ncakwiila ndabala ya Jelusalemu iyo teshi ikanyonyoolwewo tubili.

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 13:32

Ono na Lesa walemekwa kwiinda muMwanaakwe, nkokwaamba ayi alakwe Lesa mwiine ulaakulemeka Mwanaakwe alimwi utoocita boobo paciindi ceenka cino.

Joni 14:3

Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Dutolonomi 27:26

“ ‘Aashinganishikwe muntu uli woonse uyo utakonkeli maswi oonse ali mumilawo yoonse yakwe Lesa.’ “Mpeeke bantu boonse balaakwaamba ayi, ‘Ameni’

Ciyubululo 7:10

Bakoolobesha ayi, “Lupulusho lulaswa kuli Lesa wesu ushiite pacuuna ca bwaami alimwi akuMwanaambelele!”

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.