Ciyubululo 22:2 - Baibo Busansulushi Bwa Libuku Ili

² Akalinga kukunkila pakati ka nshila ya mundabala inene. Muloombe lwa mulonga uyu moonse mobilo, mwakalinga cisamu cipa buumi. Cisamu ici cilacata shisepo mankanda ali likumi aobilo mumwaaka, nkokwaamba ayi linkanda lyomwi mumweenshi. Matewu a ncico aalo ngakushilikisha mishobo yoonse ya bantu.

Ciyubululo 22:2 ပူးပေါင်းရင်းမြစ်များ

Matalikilo 2:9

Mpeeke wakalengesha ayi mumene shisamu shibotu akucata shisepo shibotu. Sombi pakati ka muunda pakalinga kwiimfwi cisamu cipa buumi, acisamu cipa lushibo lwa bubotu abubi.

Kulumbaisha 147:3

Ngooyumyayumya myoyo ityongookite akwaanga shilonda shabo.

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Esekelo 47:1

Mpeeke muntu uyo wakantola kumwinjililo wa Ŋanda yakwe Lesa. Lyalo ndakabona maanshi kaaswa mumwinjililo akunookunkila kwicwe uko kwakalinga kulangite Ŋanda yakwe Lesa. Maanshi aya akalinga kuswa panshi kulubasu lya kumalenge lya Ŋanda yakwe Lesa akuya mukwiinda kumalenge lya cipaililo.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 21:21

Mpeeke milyango yakalinga ya mabwe amakwebo ali likumi aobilo, mulyango womwi awomwi wakalinga wa libwe lyamakwebo lyomwi. Nshila ya mundabala inene iyo yakalinga ya golodi iine iine ibeka anga ndigilasi.

Ciyubululo 21:24

Lyalo bantu ba mishobo yoonse balaakweenda mumumuni wa njiyo, abalo bamaami ba mucishi ca panshi balaakuleta bubile bwabo mundabala inene iyo.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Ciyubululo 22:19

Na muntu uli woonse wakusha maswi amwi pamaswi abulaluki ali mulibuku ili, Lesa alakwe ulaakumukushishaako shisepo sha kucisamu cipa buumi, amusena wakwe wa mundabala inene isalalite, isho shasansululwa mulibuku ili.