Ciyubululo 20:9 - Baibo Busansulushi Bwa Libuku Ili

⁹ Mpomunyaawo bakeenda mucishi coonse ca panshi akushinguluka musena wakalingaawo bashomi alimwi andabala inene iyo Lesa njaasuni. Sombi mulilo wakaloka kuswa kwiculu akubanyonyoola boonse.

Ciyubululo 20:9 ပူးပေါင်းရင်းမြစ်များ

Matalikilo 19:24

Mpomunyaawo Lesa wakalosha mulilo wa salufa paSodoma aGomola

2 Baami 6:15

Mpeeke musebenshi wakwe Elisha ndyaakabuka macuunsacuunsa akuya pansengwe, wababonabo bashilumamba amaaki alimwi ashikoci kashingulukite ndabala. Wakaboolela kuli Elisha akwaamba ayi, “Twafwa sunu, nkambo! Ino tutoocita buyani?”

Jobo 38:18

Sa webo ulishi cishi mbocibete kukomena? Ndwiite tunyumfwe na ulishishi shoonse ishi.

Kulumbaisha 106:18

Mulilo awalo wakalulumina bakalinga kubakonkela, ncakwiila wakatenta bantu abo babiibi.

Kulumbaisha 87:2

alimwi ndabala inene ya Siyoni ulisunishi kwiinda musena umwi uli woonse muIsilaeli.

Kulumbaisha 97:3

Mulilo uleendela kunembo lyakwe. Ulaya citenta balwani bakwe mumbasu shoonse.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Esekelo 38:22

Ndaakumoombolosha akumupa mulandu kwiinda mukumutumina mwaalu ankoondo. Ndaakumuloshesha mfula inene abuumbi alimwi ya mabwe. Ndaakulosha mulilo asalufa ulungula pali nguwe, bashilumamba bakwe apamishobo imwi iinji njooli ayo.

Esekelo 38:9

Webo abashilumamba bako boonse alimwi amishobo imwi iinji njooli ayo, mulaakuya munkondo akulwana anga ncipuupu cinene. Mulaakubabo anga ndikumbi lyafwekelesha cishi.’ ”

Esekelo 39:6

Ndaakutuma mulilo mucishi ca Magogu apabaabo bekala kwakubula cakulisukama muloombe lwa lweenge. Lyalo ndyeshi bakeshibe ayi nebo ndi Mwaami Lesa.

Mika 2:13

Lesa ngweshi akabacalwite nshila akubatanjilila kuswa mubusha. Balaakupasula mwinjililo akuswaamo umo. Mwaami wabo ulaakutaanguna kupula. Ee, Mwaami Lesa ngweshi akabe kunembo lyabo.

Abakuku 1:6

Ntoonyamuna bene Babiloni, ee, bantu balya bakali alimwi batacite nkumbu. Mbantu abo bamana cishi coonse kweenda kwaamba ayi bakome misena iteshi yabo.

Shakubelenga 11:1

Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Luka 17:29

Sombi bushiku Loti ndyaakaswa muSodoma, mulilo asalufa shakaloka kuswa kwiculu akubanyonyoola boonse.

Luka 19:43

Ciindi cilaakushika balwani bako ndyeshi bakashingulushe lilinga akukushinkila koonse koonse ayi ubule pakucicila.

Luka 21:20

“Mwaakubona ayi ndabala inene ya Jelusalemu yashingulukwa abashilumamba, mukeshibe ayi kunyonyoolwa kwa njiyo kuli pafwaafwi.

Luka 9:54

Mpomunyaawo Jemusi aJoni, bashikwiiya bakwe Jesu, ndibakabona bobulya bakaamba ayi, “Nkambo, sa mulisuni kwaamba ayi twiite mulilo kuswa kwiculu ayi wise unyonyoole bantu aba?”

Dutolonomi 23:14

Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Bene Ebulu 13:13

Paceebo ceeco, atuye kuli nguwe pansengwe lya musena mwikala bantu alimwi akusebaana pantu pomwi anguwe.

Ciyubululo 11:5

Na umwi weelesha kwaamba ayi abaciise, mumilomo yabo mulaswa mulilo uyo unyonyoola balwani babo. Nkokwaamba ayi uyo woonse weelesha kubacisa, ulacaikwa munshila njemunya iyi.

Ciyubululo 13:13

Munyama wabili uyu wakacita shaankamiko shinene abuumbi. Wakalengesha ayi mulilo uswe kwiculu akulokela pacishi ca panshi bantu boonse kabeebela.