Ciyubululo 20:3 - Baibo Busansulushi Bwa Libuku Ili

³ Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.

Ciyubululo 20:3 ပူးပေါင်းရင်းမြစ်များ

Kulumbaisha 90:4

Myaaka cuulu ili anga mbushiku bomwi pameenso anu. Ilaboneka anga mbushiku bweenda kale, nabi anga nciindi ciniini mashiku.

Danyelo 6:17

Libwe linene lyakaletwa akufwekwa pamulomo wa cilindi ico. Pali ndilyo mwaami wakabikaawo akeshibilo kakwe ka bwaami pantu pomwi atwishibilo twa bacinenenene bakwe boonse. Bakacita boobo kwaamba ayi kutabi upulusha Danyelo.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 27:66

Mpeeke bakanyamuka akuya mukushinkashinka mweela libwe akushiyako beshikulindilila.

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Luka 8:31

Kuswawaawo bashikaswa abo bakakombelela Jesu ayi atabatandili mucilindi citeeli.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Pita 3:8

Anu mutalubiiko cintu comwi ici nomusunikwi, cakwaamba ayi taaku bupusano Mwaami Lesa mbwaabona pabushiku bomwi alimwi amyaaka ili cuulu comwi. Kuli nguwe shobilo ishi shilyeelenebo.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 17:2

Bamaami ba mucishi ca panshi bakoonaakwe alimwi bantu ba mucishi bakakolwa waini wa bufuule bwakwe ubo.”

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 20:1

Kuswawaawo ndakabona munjelo kaaswa kwiculu. Mulyaansa wakalinga kucite cakucalwisha cilindi citeeli alimwi ancetani inene.