Ciyubululo 20:2 - Baibo Busansulushi Bwa Libuku Ili

² Mpomunyaawo wakacata shinshimwe uyo, insoka itaanshi, nkokwaamba ayi Mubiibi nabi Satana akumwaanga myaaka ili cuulu.

Ciyubululo 20:2 ပူးပေါင်းရင်းမြစ်များ

Matalikilo 3:1

Ono nsoka yakalinga kucenjete kwiinda banyama boonse bamuluundu abo Mwaami Lesa mbwaakalenga. Nsoka yakeepusha mwanakashi ayi, “Sa ncakwiila Lesa wakamukasha kulya shisepo sha cisamu cili coonse mumuunda muno?”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Jobo 1:7

Mpeeke Mwaami Lesa wakeepusha Satana ayi, “Ino waswita kuli?” Satana wakakumbula ayi, “Ndalinga kuya ceendeenda mucishi ca panshi coonse.”

Isaya 24:22

Bamaami abo balaakubunjikwa mucilindi anga mbakaili muntolongo. Balaakucalilwa muntolongo akupekwa mulandu paakwiinda nshiku shiinji.

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Esekelo 47:5

Wakapima aumwi mushinso wa mamita ali 500 apo maanshi mpaakalinga alaamfu cakwaamba ayi ndakaalilwa kusubukilawo. Apo kalonga kakalinga kalaamfu cakutasubukilawo kooenda, sombibo kusamba njabwe.

Mateyo 19:29

Uyo woonse wakashiya maanda, banandumi shakwe, banankashi shakwe, baishi, banyina, baana nabi myuunda ceebo ca liina lyangu, ulaakutambula shiinji abuumbi kwiinda sheesho nshaakashiya alimwi ulaakuba abuumi butamaani.

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Joni 12:31

Ono cashikila ciindi cakwaamba ayi bantu ba pacishi ca panshi boomboloshekwe. Ono Satana mweendeleshi wa panshi pano wakomwa.

Joni 16:11

Ulaakubashinina pacikani ca boomboloshi mukwiinga Satana muleli wa pacishi ca panshi woomboloshekwa kale.

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Ciyubululo 12:13

Ono shinshimwe uyo ndyaakabona ayi wawaalwa panshi, wakatalika kutandaanya mwanakashi uyo wakashala mwaana musankwa.

Ciyubululo 12:15

Mumulomo wa nsoka iyi, mwakaswa maanshi aanji kwaamba ayi aswengule mwanakashi uyo.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

Ciyubululo 12:3

Kwakaboneka acimwi cintu cikankamika kwiculu. Kwakaboneka shinshimwe musalala pyu, kaacite mitwi yosanwe ayobilo, meeca likumi alimwi amishini pamutwi womwi awomwi.

Ciyubululo 12:4

Shinshimwe uyu wakoobola cipansha catatu ca nyenyeenshi sha mwiculu amucila wakwe akushiloshesha panshi. Kuswawaawo, wakeemikana kunembo lya mwanakashi wakalinga pafwaafwi akutumbuka kulindilila kwaamba ayi na mwaana ashalwe, eendililebo kumulya.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:2

Munyama uyo wakalinga kuboneka anga ngushiluwe. Shimpanta shakwe shakalinga anga nsha suntwe munene. Awalo mulomo wakalinga anga ngwa nkalamu. Mpomunyaawo shinshimwe uyo wakapa munyama uyu nkusu shakwe, cuuna cakwe ca bwaami alimwi ankusu shakwe shakweendelesha shoonse.

Ciyubululo 13:4

Bantu boonse bakalambila shinshimwe uyo mukwiinga wakapa munyama uyo nkusu shakwe. Alakwe munyama bakamulambila, kabaamba ayi, “Ngani uli anga ngumunyama uyu? Ngani weenga walwanaakwe?”

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 20:7

Ono na myaaka ili cuulu ikamaane, Satana ulaakwaangululwa kuswa muntolongo mwaakalinga.

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).