Ciyubululo 2:3 - Baibo Busansulushi Bwa Libuku Ili

³ Watolelela kupenshekwa ceebo ca ndime alimwi tookwe kutyongola, sobwe.

Ciyubululo 2:3 ပူးပေါင်းရင်းမြစ်များ

Kulumbaisha 37:7

Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.

Kulumbaisha 69:7

Nceebo cakulambila ndimwe nceentukaninwa, alimwi nceenyendela aciwa cilokete kunsoni.

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Maako 15:21

Ndibakalinga kuya munshila, bashilumamba bakakumanya musankwa umwi wiitwa ayi Simoni wa kuSailini kaaswa mumishi. Mpeeke bashilumamba bakamukakatisha ayi anyamune mucilingano wakwe Jesu. (Simoni wakalinga ngoishi Alekisanda aLufasi.)

Luka 14:27

Uyo woonse utanyamuni mucilingano wakwe akunkonkela, inga taabi shikwiiya wangu.

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 21:19

Kwiinda mukushoma cakutaboola pesule mulaakutambula buumi bwancinencine.

Luka 5:5

Simoni wakakumbula ayi, “NoBafundishi, swebo bwatuceta pamaanshi katusuni kucata nswi, sombi maawe akomuubo. Nakubi boobo toombe ntootuwaalaawo mukwiinga ndimwe mwaamba.”

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Joni 15:21

Sombi balaakucita shintu shoonse ishi pali ndimwe ceebo ca liina lyangu mukwiinga tabamwishi uyo wakantuma.

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 16:12

Muŋashileko Tilayifena alimwi aTilayifosa abo basebensela Mwaami Jesu alimwi ndaansha aPesisi mweensuma usunikwi uyo wasebensela Mwaami abuumbi.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.

1 Bene Kolinto 13:7

Lusuno talulengeshiiwo kuboola pesule. Sombi lulalengesha kushoma, kulangila abushimoyonteeka mumapensho lyoonsebo.

1 Bene Kolinto 16:16

mukonkele butanjilili bwa bantu bamushobo wooyu, abamwi batoosebensela pantu pomwi ambabo.

2 Bene Kolinto 10:15

Aboobo tatulilumbaishi pamilimo yakacita bamwi kusotoka manyinsa Lesa ngwaakatupa. Sombi tulayanda ayi lushomo lwanu lukomene alimwi ayi tukakonshe kucita milimo imwi iindaawo pakati kanu, kweela mumanyinsa Lesa ngwaakatupa.

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

2 Bene Kolinto 4:16

Nceceeco ncetutabooleli pesule. Nakubi kwaamba ayi mibili yesu itooya cicembela, sombi Mwaami utooya citufushishako nkusu muMushimu bushiku abushiku.

2 Bene Kolinto 5:9

Sombi ncetusuni, nkucita shikondelesha Mwaami mumubili uno nabi mumubili wa kwiculu.

2 Bene Kolinto 6:5

Mukuumwa, mukwaangwa, mumanyonyongano, mukusebensa cankusu, mukutoona tulo amunsala.

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Bene Tesalonika 5:12

Twamusenga nobamakwesu kwaamba ayi mupe bulemu kubaabo batoosebensa cankusu pakati kanu, abo bamutanjilila akumulwiita mbomweelete kucita mubuKlistu.

2 Bene Tesalonika 3:13

Nakubi boobo nobamakwesu, mwebo tamweelete kucileka kucita shibotu.

2 Bene Tesalonika 3:5

Mwaami Jesu alengeshe myoyo yanu kwishibishisha lusuno lwakwe Lesa akukomenya moyo uko Klistu nkwaatupa.

2 Bene Tesalonika 3:8

alimwi tatukwe kulyawo cakulya ca kutalilipilila swebo sobeene. Sombi twakalinga kusebensa cankusu mashiku amalumwi ceebo tetwakalinga kusuni kupensha muntu nabi womwi mushintu nshetwakalinga kuyanda mubuumi bwesu uko.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Bene Ebulu 13:13

Paceebo ceeco, atuye kuli nguwe pansengwe lya musena mwikala bantu alimwi akusebaana pantu pomwi anguwe.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Bene Ebulu 6:12

Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.

Bene Ebulu 6:15

Abulaamu wakalindila camoyonteeka, aboobo wakatambula sheesho Lesa nshaakamushomesha.

2 Pita 1:6

Palushibo lwanu, mwiilikewo kulitibuka, apalo pakulitibuka, mwiilikewo kukomenya moyo, apakukomenya moyo mwiilikewo buumi bwakupaila kwiine kwiine.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.