Ciyubululo 2:2 - Baibo Busansulushi Bwa Libuku Ili

² Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.

Ciyubululo 2:2 ပူးပေါင်းရင်းမြစ်များ

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Mateyo 7:23

Sombi nebo ndaakubaambila patuba ayi, ‘Nshimwishiiwo napaceyi. Amusweewo apa mwebo nobamucita shibi!’

Joni 6:6

(Jesu wakeepusha cakumweelesha, sombi mumoyo wakwe mwiine keeshi kale bwakucita.)

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 5:21

sombi mubone kwaamba ayi na makani ayo alaswa kuli Lesa. Lyalo mwakonkela aayo abotu

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Ciyubululo 2:5

Ono ibaluka mbuli mbowakalinga kootana kuwa! Ulyeelete kusanduka kuswa kushibiibi shako akutalika kwikala buumi mbowakalinga kucite pakutaanguna. Ono na ubule kusanduka kuswa kushibiibi shako, ndaakwisa kuli ndiwe mukukusha cakubikawo lilampi cako pamusena wa ncico.

Ciyubululo 2:6

Sombi bubotu bwako mbwakwaamba ayi ulipatite micito ya bene Nikolayi, bweenka mboonjipatite anebo.’

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.

Ciyubululo 3:1

“Mutanjilili wa kucoonde ca kuSadisi umulembele ayi, “Aya ngamakani aamba wooyo ucite mishimu yakwe Lesa ili yosanwe ayobilo alimwi anyenyeenshi shili shosanwe ashobilo. Utokwaamba ayi, ‘Milimo yako ndiishi alimwi ulicite mpuwo ayi uli muumi, nakubi kwaamba ayi ulifwite.

Ciyubululo 3:15

Utokwaamba ayi, ‘Milimo yako ndiishi, tootontoli nabi kulungula. Naakwiinga kootontola nabi kulungula, necalinga cibotu kuli ndime.

Ciyubululo 3:8

Utokwaamba ayi, ‘Milimo yako ndiishi. Ndakacalula cisasa kunembo lyako, ico muntu uli woonse nceenga taakoonshi kucala. Ndishi ayi ulicite nkusu shiniini, nakubi boobo wakonkela kwiisha kwangu, tookwe kunkakaawo.