Ciyubululo 18:3 - Baibo Busansulushi Bwa Libuku Ili

³ Mukwiinga mishobo yoonse yakanwa waini ukali wa bufuule bwakwe. Bamaami boonse ba mucishi ca panshi bakoonaakwe kale, abalo beshimakwebo boonse ba mucishi ca panshi bakabila abuumbi ceebo ca lunkumbwa lwakwe lunene.”

Ciyubululo 18:3 ပူးပေါင်းရင်းမြစ်များ

Isaya 47:15

Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Jelemiya 51:7

Babiloni wakalinga anga ninkomeshi ya golodi mumaansaangu akulengesha cishi coonse ca panshi kukolwa. Mishobo ya bantu yoonse yakanwa waini wakwe. Aboobo paciindi cino ilicinkukite.

Malilo 4:5

Bantu abo bakalinga kulya shibotu, batalika kufwa nsala mumikwakwa. Bantu bakalinga kufwala shakufwala shamakwebo, sunu baloonabo mumilota kuntantaala.

Naamu 3:4

Ndabala ya Ninife itoopekwa mulandu, ndabala iyo yakalinga anga ngumwanakashi mufuule. Yakalinga anga ngumwanakashi uyo wakalinga kukondelesha bantu kukubota kwakwe alimwi wakalinga kuswite bwaanga bwa lufu. Aboobo wakayungoola mishobo iinji kwiinda mubufuule bwakwe alimwi abantu baanji kubuloshi bwakwe.

Luka 7:25

Ino nciinshi ncemwakalinga mukubona? Sa ngumuntu wakalinga kufwete shakufwala shibotu? Tau, abo bafwala shakufwala shibotu, akwikala kabacite shintu shibotu shoonse shimwi, balekala mumaanda a bamaami.

1 Timoti 5:11

Sombi bamukalubinje banakashi bacanike mutababiki palembetwe bamwi ceebo na lunkumbwa lwa mubili lwabalengesha kuyanda kweebwa alimwi, balaswa kuli Klistu.

Ciyubululo 14:8

Kwakaboneka aumwi munjelo wabili kaamba ayi, “Yawa, yawa ndabala inene ya Babiloni! Yakalengesha ayi bantu ba mishobo yoonse kunwa waini ukali wa bufuule bwa njiyo!”

Ciyubululo 17:2

Bamaami ba mucishi ca panshi bakoonaakwe alimwi bantu ba mucishi bakakolwa waini wa bufuule bwakwe ubo.”

Ciyubululo 18:19

Mpeeke bantu aba bakalitukwita lusuko mumitwi, bakalila akuungumana abuumbi. Bakalinga kwaamba ayi, “Mapensho, mapensho kundabala inene iyi! Njendabala inene umo bantu boonse abo bacite maato anene palweenge mobakabilila. Ono muawala yomwi iyi banyonyookelwa shintu shoonse!”

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Ciyubululo 18:9

Mpeeke bamaami boonse ba mucishi ca panshi, abo bakacitaakwe bufuule alunkumbwa lumwi loonse, balaakulila akuba abuumba bunene pakubona bwiishi bweshi bukanoosunta pakupya ndabala inene iyo.