Ciyubululo 17:3 - Baibo Busansulushi Bwa Libuku Ili

³ Mpomunyaawo Mushimu Usalashi wakantanjilila, alakwe munjelo wakantola kuluyanga. Nkomunya uko ndakabona mwanakashi kaashiite pamunyama usalalabo pyu. Pamubili wa munyama uyu woonse pakalinga kulembetwe meena a mucobwe kuli Lesa. Wakalinga kucite mitwi yosanwe ayobilo alimwi ameeca ali likumi.

Ciyubululo 17:3 ပူးပေါင်းရင်းမြစ်များ

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

Lwiimbo lwakwe Solomoni 8:5

Ngani uyo utoosa kuswa kuluyanga ucatene lyaansa alyaansa ausunikwi wakwe? Munshaacisamu ca maapo mondakubusha, ee, mumusena mweenka mowakashalilwa.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

Esekelo 3:12

Mpomunyaawo Mushimu wakwe Lesa wakanyamuna. Lyalo ndakanyumfwa liswi kwisule lyangu ilyo lyakalinga kunyumfwika anga ngumuuwo utoompuupila. Liswi ilyo lyakaamba ayi, “Abulumbaishikwe bulemu bwa Mwaami Lesa mumusena ngweekalaamo!”

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 7:20

Peculu lya waawo ndakalinga kusuni kwishiba shameeca likumi ayo akalinga pamutwi wakwe alimwi ashakaliica ako kakaswa pesule akutupula meeca amwi otatwe. Ee, ndakalinga kusuni kwishiba shakaliica, ako kakalinga kucite meenso a muntu amulomo wakalinga kwaamba cakulisumpula, ako kakalinga kuloondesha kwiinda meeca amwi oonse.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Mateyo 27:28

Mpeeke bakamufuula akumufwalika cisani cifubelafubela.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 12:3

Kwakaboneka acimwi cintu cikankamika kwiculu. Kwakaboneka shinshimwe musalala pyu, kaacite mitwi yosanwe ayobilo, meeca likumi alimwi amishini pamutwi womwi awomwi.

Ciyubululo 12:6

Mwanakashi lakwe wakacicila muluyanga, umo muli musena wakamubambila Lesa. Nkomunya uko ulaakulamwa kabotu kwanshiku shili cuulu amyaanda yobilo alimwi anshiiku shili makumi osanwe alyomwi.

Ciyubululo 17:18

“Mwanakashi uyo ngowalinga wabona uleemikanina ndabala inene iyo yeendelesha bamaami boonse ba mucishi ca panshi.”

Ciyubululo 17:4

Mwanakashi uyu wakalinga kufwete shisani shifubelafubela alimwi ashisalalabo pyu. Wakalibotesha amakosa a golodi, mabwe amakwebo abulungu. Mulyaansa wakalinga kucite nkomeshi ya golodi umo mwakalinga kuswitebo micito ibiibi alimwi ashimwi shilensha nsoni sha bufuule bwakwe.

Ciyubululo 18:12

Taaku eshi akoole golodi yabo, silifa, mabwe amakwebo, bulungu, shisani shiteshimite, nsalu shifubelafubela, shisani shimwi shipusenepusene, shintu shakubesa shipusenepusene, shintu shipangwa kumeeca a nsofu, kushisamu shamakwebo, kumukuba, kunshimbi alimwi akumabwe akuyakisha.

Ciyubululo 18:16

akwaamba ayi, “Mapensho, mapensho kundabala inene iyi! Wakalinga kufwala shakufwala shiteshimite, shifubelafubela ashisalalabo pyu. Ncakwiila wakalinga kulibotesha agolodi, mabwe amakwebo alimwi abulungu!

Ciyubululo 21:10

Mpomunyaawo Mushimu Usalashi wakantanjilila, alakwe munjelo uyo wakantola peculu pakalundu kanene kalaamfu. Lyalo wakambonesha ndabala inene isalalite ya Jelusalemu keeswa kwiculu kuli Lesa.

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.