Ciyubululo 16:2 - Baibo Busansulushi Bwa Libuku Ili

² Munjelo mutaanshi wakaya wapukwita shakalinga mumbale yakwe ifongomene mucishi ca panshi. Mpeeke bantu abo bakalinga kulembetwe keshibilo ka munyama alimwi abaabo bakalambila cibumbwabumbwa cakwe bakatumbwa shilonda shilensha boowa, shicisa abuumbi.

Ciyubululo 16:2 ပူးပေါင်းရင်းမြစ်များ

2 Makani 21:15

Mwebo nobeene mulaakuciswa kapokota ako keshi kakanooya cikomena kushikila kakabe cinkumbe.”

2 Makani 21:18

Shoonse ndishakeenda, Mwaami Lesa wakalengesha mwaami kuciswa kapokota katashilikiki.

Kulumbaisha 78:26

Wakalengesha muuwo wa kwicwe kupuupa, munkusu shakwe wakaleta muuwo kuswa kumalenge.

Isaya 3:17

Paceebo ceeco nebo neMwaami Lesa ndaakulengesha ayi mumitwi yabo mube shiloonda. Womwi awomwi ndaakumulengesha kuba alubala.”

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Dutolonomi 28:27

Mwaami Lesa ulaakumuletela shuute, bweenka mbwaakacitila bene Ijipiti. Mibili yanu ilaakuba ashiloondaloonda, abunkulutu alimwi ashipele, sombi teshi shikanooshilikika.

Dutolonomi 28:35

Mwaami Lesa ulaakulengesha ayi myeendo yanu ikakumanebo shuute sheshi shikanoocisa abuumbi alimwi shitashilikiki. Shilaakutumba mubili woonse, kuswa kushimpanta kushikila akumutwi.

Dutolonomi 7:15

Mwaami Lesa ulaakumufuna kumalwashi oonse. Teshi akaleke malwashi ayoosha alya ngomwakabonaawo muIjipiti ayi ese pali ndimwe, sombi ulaakwaanyukwita pabalwani banu boonse.

Ciyubululo 13:12

Munyama uyu wakasebensesha nkusu shinene sha munyama mutaanshi ceebo ca nguwe. Wakakakatisha bantu ba mucishi ca panshi boonse ayi balambile munyama mutaanshi uyo wakalinga kucite cipwaloonda cakamana.

Ciyubululo 14:16

Lyalo uyo wakalinga kushiite palikumbi wakatalika kutebula acicekeshi cakwe. Aboobo cishi ca panshi coonse cakatebulwa.

Ciyubululo 14:9

Kuswawaawo, kwakaboneka munjelo watatu, kaaolobesha ayi, “Uyo woonse ulambila munyama alimwi acibumbwabumbwa cakwe akulembwa keshibilo kakwe pankumo nabi palyaansa,

Ciyubululo 16:1

Mpomunyaawo ndakanyumfwa liswi lyakoolobeshekwa kubaanjelo bosanwe abobilo kuswa muŊanda yakwe Lesa ayi, “Kamuya mukapukwite bukali bwakwe Lesa ubo buli mumbale shifongomene shosanwe ashobilo mucishi ca panshi!”

Ciyubululo 16:11

Mpomunyaawo bakacobola Lesa uli kwiculu ceebo cakucisa alimwi ashiloonda. Sombi tabakwe kusanduka kuswa kumicito yabo ibiibi.

Ciyubululo 8:7

Munjelo wakutaanguna ndyaakalisha lupeenga lwakwe, kwakaba mfula ya mabwe amulilo usenkene abulowa. Shoonse ishi shakalokela pacishi ca panshi. Mpeeke cipansha catatu ca cishi cakapya, cipansha catatu ca shisamu shoonse mucishi acalo cakapya kubikaawo abwiisu boonse butontola.

1 Samwelo 5:6

Kuswawaawo Mwaami Lesa wakatondesha bantu bene Ashidodi bukali akubaloondesha. Wakabatondesha bukali pantu pomwi abaabo bakalinga mushishi shakalinga kushingulukite kwiinda mukubapa shuute.

1 Samwelo 5:9

Ono ndilyakashika uko, Mwaami Lesa abalo wakabatondesha bukali cakwaamba ayi bakalisukama abuumbi. Wakabatumina shuute isho shakakumanabo bantu boonse, banike abanene mushobo womwi.