Ciyubululo 15:3 - Baibo Busansulushi Bwa Libuku Ili

³ Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 15:3 ပူးပေါင်းရင်းမြစ်များ

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

1 Makani 6:49

Sombi Aloni abamulunyungu lwakwe mbobakalinga kubenga milambu pacipaililo ca milambu yakutenta akutenta tununkila kabotu pacipaililo ca ntuto. Bakalinga kucite ncito inene yakulambila muMusena Usalalite Wiindaawo akubenga milambu ayi Lesa alekelele shibiibi sha bene Isilaeli. Bakalinga kucita shoonse ishi kweelana ashakaamba Mose, musebenshi wakwe Lesa.

2 Makani 24:6

Lyalo wakeeta Jeoiyada mupailishi munene akumwaambila ayi, “Ino tookwe kutuminanshi bene Lefi kuya mukuleta musonko kuswa kubene Juda abene Jelusalemu uyo wakaamba Mose musebenshi wa Mwaami Lesa abantu boonse bene Isilaeli weelete kusebenseshekwa kuTente ya Cipangano?”

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Jobo 36:24

Lemeka milimo yakwe iyo bantu boonse njebalumbaisha kwiinda munyimbo.

Jobo 5:9

Lesa ulacita shaankamiko nshetutakoonshi kwishiba, ee, shitondesho sha nkusu sha kwiculu shiinji shitabelengwa.

Kulumbaisha 100:5

Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

Kulumbaisha 105:5

Kamwiibaluka shitondesho sha nkusu sha kwiculu nshaakacita, shankamiko shakwe alimwi abupingushi mbwaakapa.

Kulumbaisha 111:2

Milimo ya Mwaami Lesa njinene abuumbi, ilayeeyekwa abantu boonse abo basangalala muli njiyo.

Kulumbaisha 111:7

Milimo yakwe ilashomeka alimwi ililuleme, ayalo milasho yakwe yoonse ilashomeka.

Kulumbaisha 139:14

Ndamulumbaisha ceebo mwakanenga munshila ikankamika. Ncakwiila milimo yanu yoonse ilakankamika. Cikani ici ndicilabilite amoyo wangu woonse.

Kulumbaisha 145:17

Mwaami Lesa uliluleme munshila shakwe shoonse, ulicite nkumbu pashintu shoonse nshaakalenga.

Kulumbaisha 145:6

Bantu balaakunokwaamba pamilimo yanu yankusu iyoosha. Nebo ndaakunokwaambilisha shamicito yanu inene.

Kulumbaisha 18:30

Nshila ya Mwaami Lesa teecite kampenda. Maswi aMwaami Lesa ncakwiila alashomeka. Mwaami Lesa ulibo anga ndiyawo kubaabo bayuba kuli nguwe.

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Kulumbaisha 92:5

Micito yanu njinene abuumbi, noBaami baLesa! Miyeeyo yanu noBaami baLesa, njiyumu kwishiba.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Dutolonomi 31:30

Mpomunyaawo Mose wakaamba maswi oonse a lwiimbo ulu bene Isilaeli boonse kabanyumfwite.

Dutolonomi 32:3

Ndanoolumbaisha liina lya Mwaami Lesa, bantu bakwe bananooshimika bulemu bwakwe.

Dutolonomi 34:5

Aboobo Mose musebenshi wa Mwaami Lesa wakafwa mucishi ca Moabu kweelana abwakaamba Mwaami Lesa.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Bene Ebulu 3:5

Mose wakalinga kushomeka kuli Lesa ceebo wakalinga musebenshi shikutanjilila bantu bakwe Lesa alimwi wakalinga kwaamba shintu isho Lesa nshaakalinga kubambite kwaamba kunembo.

Joshuwa 22:5

Ono mulyeelete kulama milawo amilasho yakamupa Mose, musebenshi wa Mwaami Lesa, wakwaamba ayi, ‘Musune Mwaami Lesa, Lesa wanu, mucite kuyanda kwakwe, mukonkele milawo yakwe, mushomeke alimwi mumusebensele camoyo woonse alimwi abuumi bwanu boonse.’ ”

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 11:17

Bakaamba ayi, “Nkambo nobaLesa Beshinkusu shoonse, ndimwe muliiwo alimwi mweshi mukabeewo. Twamulumba mukwiinga mwasebensesha nkusu shanu shinene akutalika kweendelesha.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Ciyubululo 14:8

Kwakaboneka aumwi munjelo wabili kaamba ayi, “Yawa, yawa ndabala inene ya Babiloni! Yakalengesha ayi bantu ba mishobo yoonse kunwa waini ukali wa bufuule bwa njiyo!”

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”