Ciyubululo 14:2 - Baibo Busansulushi Bwa Libuku Ili

² Mpeeke ndakanyumfwa liswi kuswa kwiculu lyakalinga kunyumfwika anga ngamaanshi atoowoota alimwi anga ncilulumo cinene. Liswi ili lyakalinga kunyumfwika anga mbeshikulisha tulumbu baanji batoolisha.

Ciyubululo 14:2 ပူးပေါင်းရင်းမြစ်များ

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

Ciyubululo 1:15

Shimpanta shakwe shakalinga kubeka anga ngubulonse waswabo mukufulwa. Alyalo liswi lyakwe lyakalinga kunyumfwika anga nkuwoota kwa maanshi.

Ciyubululo 15:2

Kuswawaawo ndakabona cakalinga kuboneka anga ndweenge lwakalinga kubeka lusenkene amulilo. Ndakabona abaabo bakakoma munyama uyo, cibumbwabumbwa cakwe alimwi awooyo ucite nambala ya keshibilo ka liina. Bakalinga kwiimfwi mweela lweenge lwakalinga kubeka, kabacatite atulumbu uto Lesa ntwaakabapa.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Kulumbaisha 33:2

Amulumbaishe Mwaami Lesa mukulisha kalumbu, kwiimba nyimbo akalumbu ka mawaya likumi!

2 Samwelo 6:5

Defedi abene Isilaeli boonse bakalinga kusekelela cankusu shabo shoonse mukupa bulemu Mwaami Lesa. Bakalinga kwiimba, kulisha tulumbu tuniini atunene, misebe ipusenepusene alimwi atusenke twakulisha.

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Ciyubululo 18:22

Maswi a beshitulumbu abeshikwiimba, beshimitolilo alimwi a beshimapeenga teshi bakanyumfwikeewo alimwi muli ndiwe! Taaku musebenshi wa mulimo uli woonse eshi akacanike muli ndiwe alimwi. Teshi mukanyumfwikeewo akulila kwa mpelo muli ndiwe alimwi!

Ciyubululo 11:12

Mpeeke balaluki bobilo abo bakanyumfwa liswi lyakoolobeshekwa kuswa kwiculu lyakubeeta ayi, “Amwise kokuno!” Balwani babo kabeebela, bakaya kwiculu mulikumbi.

Ciyubululo 6:1

Mpeeke ndakabona Mwanaambelele kaalamatula kalamatila wa keshibilo utaanshi pabaabo bali bosanwe abobilo. Lyalo ndakanyumfwa cilengwa cuumi cimwi pashilengwa shone isho, coolobesha aliswi lyakalinga kunyumfwika anga ncilulumo ca mfula ayi, “Kosa!”

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Kulumbaisha 93:4

Sombi mwebo muleenda kuwoota kwa lweenge, ee, muleenda nkusu sha maaba a palweenge. NoBaami baLesa, ncakwiila mulalela cankusu kwiculu.

Kulumbaisha 92:3

Ncakwiila ncibotu kumulumbaisha kwiinda mukulisha kalumbu ka mawaya likumi, akumulumbaisha mumukumo wa kalumbu.

Kulumbaisha 57:8

Ono omoyo wangu libambe! Okalumbu kangu libambe! Ceebo ndyeelete kucesha bushiku.

Ciyubululo 8:7

Munjelo wakutaanguna ndyaakalisha lupeenga lwakwe, kwakaba mfula ya mabwe amulilo usenkene abulowa. Shoonse ishi shakalokela pacishi ca panshi. Mpeeke cipansha catatu ca cishi cakapya, cipansha catatu ca shisamu shoonse mucishi acalo cakapya kubikaawo abwiisu boonse butontola.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Kulumbaisha 149:3

Abalumbaishe liina lyakwe uku kabashana, amulishe misebe atulumbu.

Kulumbaisha 98:5

Amwiimbe nyimbo shakulumbaisha Mwaami Lesa! Amumulumbaishe mukulisha tulumbu!

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulumbaisha 147:7

Amwiimbile Mwaami Lesa nyiimbo shakumulumbaisha, amwiimbile Lesa wesu akalumbu.

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

2 Makani 20:28

Ndibakashika mundabala ya Jelusalemu bakeendililabo kuŊanda yakwe Lesa kabaya cilisha tulumbu tunene atuniini alimwi amapeenga.