Ciyubululo 13:6 - Baibo Busansulushi Bwa Libuku Ili

⁶ Mpomunyaawo wakatalika kucobola Lesa, liina lyakwe, musena ngweekalaako alimwi abaabo boonse bekala kwiculu.

Ciyubululo 13:6 ပူးပေါင်းရင်းမြစ်များ

Jobo 3:1

Nshiku isho ndishakeenda, Jobo wakaamba akushingana bushiku mbwaakashalwa.

Kulumbaisha 73:9

Balaamba shintu shibiibi kuli Lesa kwiculu, cishi caba cabo kwiinda mumilaka yabo.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Bene Loma 3:13

Myaambo yabo njabubeshi, ilacaisha. Kwiinda mumilaka yabo mbeshi kwaamba shakubeca, alimwi mumilomo yabo mulaswabo maswi abucayi, mbuli busoka bwa nsoka.

Bene Kolose 1:19

Mukwiinga Lesa cakamukondelesha kwaamba ayi bulesa bwakwe boonse bwikale muli nguwe.

Bene Kolose 2:9

Mukwiinga muli Klistu bulesa boonse bulekala mumubili wa buntu

Bene Ebulu 9:2

Kwakayakwa Tente itaanshi, umo mwakalinga pakubika lilampi, alimwi atebulu apo pakalinga cimaande cakapekwa kuli Lesa. Cipinda ici cakalinga kwiitwa ayi Musena Usalalite.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Ciyubululo 11:12

Mpeeke balaluki bobilo abo bakanyumfwa liswi lyakoolobeshekwa kuswa kwiculu lyakubeeta ayi, “Amwise kokuno!” Balwani babo kabeebela, bakaya kwiculu mulikumbi.

Ciyubululo 12:12

Paceebo ceeco, sekelela webo oliculu alimwi asheesho shoonse shikalaamo! Sombi mapensho kucishi ca panshi alimwi alweenge! Mukwiinga Mubiibi wesa kuli ndimwe abukali butaambiki ceebo ulishi ayi wacaashabo ciindi ciniini.”

Ciyubululo 15:5

Pesule, ndakalanga akubona Ŋanda yakwe Lesa kwiculu keecalukite. Mukati mwakalinga aTente ya Cipangano.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Ciyubululo 5:13

Lyalo ndakanyumfwa shilengwa shoonse sha mwiculu, mucishi ca panshi, panshi lya cishi alimwi amulweenge, shoonse shiliimo shakalinga kwiimba ayi, “Uyo ushiite pacuuna ca bwaami alimwi aMwanaambelele, balumbaishikwe akupekwa bulemu ankusu kwamuyayaya!”

Ciyubululo 7:15

Nceceeco ncebeemikanina kunembo lya cuuna ca bwaami cakwe Lesa alimwi balamusebensela malumwi amashiku muŋanda yakwe. Uyo ushiite pacuuna ca bwaami ulaakwikala ambabo alimwi akubalama.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.