Ciyubululo 13:3 - Baibo Busansulushi Bwa Libuku Ili

³ Kumutwi umwi wa munyama kwakalinga kuboneka anga kuli cipwaloonda, sombi cipwaloonda ico cakamana. Bantu boonse mucishi ca panshi bakakankamana abuumbi pamunyama uyu, mpeeke bakamukonkela.

Ciyubululo 13:3 ပူးပေါင်းရင်းမြစ်များ

Esekelo 30:24

Lyalo ndaakupa nkusu maansa a mwaami wa bene Babiloni akubika mupeeni wangu mumaansaakwe, sombi lakwe Falawo mwaami wa bene Ijipiti ndaakumutyoloola maansa cakwaamba ayi ulaakunootongelabo kunembo lyakwe anga ngumuntu wacisikwa calufu.

Luka 2:1

Munshiku isho Sisa Agasitasi, muleli munene wa kuLoma, wakabika mulawo wakwaamba ayi bantu boonse bali mubuleelo bwa Loma balembwe.

Joni 12:19

Aboobo baFalisi bakatalika kulwiitana ayi, “Taaku ncetutoocita napaceyi! Amubone bantu boonse bakonkela nguwe!”

Milimo ya Batumwi 8:13

Alakwe Simoni wakashoma akubombekwa. Lyalo wakalinga kweendabo aFilipo ceebo wakakankamana ndyaakabona shitondesho sha nkusu sha kwiculu ashaankamiko nshaakalinga kucita.

Ciyubululo 13:12

Munyama uyu wakasebensesha nkusu shinene sha munyama mutaanshi ceebo ca nguwe. Wakakakatisha bantu ba mucishi ca panshi boonse ayi balambile munyama mutaanshi uyo wakalinga kucite cipwaloonda cakamana.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 17:10

Bosanwe bakafwa kale, womwi ngooceendelesha, ono wakweelaako taana kuboneka. Sombi na akese, ulaakweendeleshabo nshiku shiniini.

Ciyubululo 17:11

Ono munyama uyo wakalinga muumi, sombi uteshi muumi bulya, ngomwaami wasanu abotatwe. Nakubi kwaamba ayi ngwa mulikoto lya baabo bali bosanwe abobilo, utooya mukunyonyoolwa.

Ciyubululo 17:13

Boonse aba bali likumi balicite muyeeyo womwi alimwi balapa nkusu shabo alimwi abuleelo bwabo kumunyama.

Ciyubululo 17:17

Balaakucita boobo ceebo Lesa walengesha kwaamba ayi banoocita coonse ncaasuni, kwiinda mukunyumfwana kupa nkusu shabo shakweendelesha kumunyama kushikila shoonse Lesa nshaakaamba shikacitike cancinencine.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.