Ciyubululo 13:2 - Baibo Busansulushi Bwa Libuku Ili

² Munyama uyo wakalinga kuboneka anga ngushiluwe. Shimpanta shakwe shakalinga anga nsha suntwe munene. Awalo mulomo wakalinga anga ngwa nkalamu. Mpomunyaawo shinshimwe uyo wakapa munyama uyu nkusu shakwe, cuuna cakwe ca bwaami alimwi ankusu shakwe shakweendelesha shoonse.

Ciyubululo 13:2 ပူးပေါင်းရင်းမြစ်များ

2 Baami 2:24

Elisha wakapiluluka wabalangilisha akubashingana muliina lya Mwaami Lesa. Mpeeke kwakesa bashiluwe banene bobilo bakaswa muluundu akuluma bacikula bwangu bali 42 pakati kabo.

Kulumbaisha 22:21

Amumfuune mumeeno a nkalamu, mumpulushe kumeeca a nyati.

Tushimpi 17:12

Ncibotu kukumana abeya wabweselwa baana, kwiinda kucana muluya kaacita shabuluya.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Jelemiya 13:23

Sa muntu mushiya inga walisandula cikanda cakwe? Sa shiluwe inga wakonsha kulisandula mabala? Cilyeelenebo andimwe, tamukoonshi kucita shintu shibotu ceebo mulishibite kucita shintu shibiibi.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Amosi 3:12

Mwaami Lesa waamba ayi, “Bweenka mweembeshi kuswa mukanwa ka nkalamu mbwaapulushakobo mafuwa akumyeendo yobilo ya mbelele nabibo kapansha ka kutwi, mbweeke ubo bene Isilaeli mbweshi bakapulushikwe. Ncakwiila mbweshi bakapulushikwe abo bashiite kweela malo abo muSamaliya ee, abaabo bashiite pashuuna shabo shibotu kuDamasikasi.”

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.

Abakuku 1:8

“Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

Ciyubululo 12:13

Ono shinshimwe uyo ndyaakabona ayi wawaalwa panshi, wakatalika kutandaanya mwanakashi uyo wakashala mwaana musankwa.

Ciyubululo 12:15

Mumulomo wa nsoka iyi, mwakaswa maanshi aanji kwaamba ayi aswengule mwanakashi uyo.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:12

Munyama uyu wakasebensesha nkusu shinene sha munyama mutaanshi ceebo ca nguwe. Wakakakatisha bantu ba mucishi ca panshi boonse ayi balambile munyama mutaanshi uyo wakalinga kucite cipwaloonda cakamana.

Ciyubululo 13:4

Bantu boonse bakalambila shinshimwe uyo mukwiinga wakapa munyama uyo nkusu shakwe. Alakwe munyama bakamulambila, kabaamba ayi, “Ngani uli anga ngumunyama uyu? Ngani weenga walwanaakwe?”

Ciyubululo 16:10

Munjelo wasanu alakwe wakapukwita shakalinga mumbale yakwe ifongomene pacuuna ca bwaami ca munyama uyo. Lyalo cishi cakwe coonse cakaba mumunshinshe alimwi bantu bakatalika kuluma milaka yabo ceebo cakucisa.

Ciyubululo 17:12

“Meeca alya ali likumi ngowakabona aleemikanina bamaami bali likumi abo batana kutalika kweendelesha, sombi balaakupekwa nkusu shakweendelesha anga mbamaami kwaawala yomwi, pantu pomwi amunyama.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 20:2

Mpomunyaawo wakacata shinshimwe uyo, insoka itaanshi, nkokwaamba ayi Mubiibi nabi Satana akumwaanga myaaka ili cuulu.